Qumështi i gjirit përmban lëndë ushqyese të nevojshme për fazën e parë të jetës së fëmijëve. Nënat që nuk mund ta respektojnë kohën e foshnjës për t’u ushqyer siç duhet me gji, si mund ta ruajnë qumështin?
Mund ta mbani në frigorifer, por duhet të ndiqni disa rregulla të nevojshme për mirëmbajtjen e duhur të këtij ushqimi aq të çmuar.
Qumështi i nënës
Qumështi i nënës është një ushqim jashtëzakonisht i vlefshëm, pasi është unik dhe i plotë me gjithçka që një fëmijë ka nevojë të rritet mirë. Për më tepër, është shumë i rëndësishëm edhe pas fazës neonatale. Është një ushqim i pasur me të gjitha ushqyesit thelbësorë për zhvillimin e fëmijës. Gjithashtu përmban antitrupa, të nevojshëm për mbrojtjen imunitare.
Sasia e qumështit rregullohet me thithjen e fëmijës. Qumështi i gjirit është gjithmonë në temperaturë ideale, nuk kërkon asnjë lloj ndërhyrje tjetër dhe ushqyerja me të përfaqëson një moment intim mes nënës dhe fëmijës. Kjo bën që dhe marrëdhënia me nënën të jetë edhe më e ngushtë.
Ushqyerja me gji
Qumështi i gjirit i mbron fëmijët nga infesksionet respiratore, nga fillimi i infeksioneve të veshit, nga diarrea, alergjitë dhe astma. Gjithashtu ul rrezikun e fillimit të sëmundjeve si diabeti, obeziteti, leuçemia, sëmundjet kardiovaskulare. Pikërisht për këtë arsye, është mirë që ta zgjasni ushqyerjen me gji sa më shumë që të jetë e mundur. Nënat që duhet të kthehen në punë shumë shpejt nga lindja e fëmijës, këshillohet që të shkëputen orë pas ore ose ta ruajnë qumështin e tyre në një mënyrë që fëmijës mos t’i mungojë.
Pompa e shtrydhjes se gjirit
Pompa e gjirit, të lejon shumë lehtë që të bësh shtrydhjen e qumështit të gjirit. Ekzistojnë disa lloje pompash që të lëhtësojnë mbledhjen e qumështit. Në përgjithësi është e këshillueshme që të bëni të paktën 7 shtrydhje të gjirit në ditë, për një kohëzgjatje prej rreth 15-20 minuta.
Por kjo varet nga nevojat:
Një nënë që punon do t’i duhet të shtrydhë qumështin që do ti jepet fëmijës vetëm në orët kur ajo nuk është.
Sa i përket sasisë, do ta krahasoni me ditët e tjera që femija ka pirë. Por ka edhe metoda të llogaritjes duke marrë parasysh peshën dhe në varësi të saj sasinë e qumështit që do t’i duhej fëmijës në 24 orë. Në këtë mënyrë do të jetë më e lehtë për tu afruar nevojave të tij.
Si ta mbajmë qumështin e nënës në parametrat e duhur?
Është e këshillueshme të respektojmë higjienën, sigurinë dhe cilësinë e qumështit. Sipas disa treguesve të Ministrisë së Shëndetësisë, ruajtja e qumështit të gjirit mund të bëhet në mënyra të ndryshme.
Ruajtja e qumështit të gjirit në temperaturë dhome:
3-4 orë (nëse temperatura është më e ulët se 25 ° C)
Ruajtja e qumështit të gjirit në frigorifer:
24 orë (në frigorifer në 0-4 ° C në rastin e qumështit të shkrirë)
deri në 4 ditë, në frigorifer në tempertaure 0-4 ° C në rastin e qumështit të freskët
Ruajtja e qumështit të gjirit të ngrirë:
Deri në 6 muaj, në nje temperature -20 ° C
deri në 3-4 muaj në një frigorifer me temperature -18 ° C
deri në 2 javë në një frigorifer me temeperature -15 ° C
Lexo edhe: Ushqyerja me gji e femijeve premature
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu