Fëmijët e madje edhe ata të moshës së adoleshencës, shfaqin shpesh refuzim përsa i përket konsumit të kosit apo frutave. Këto janë ushqime të shëndetshme dhe të rëndësishme për zhvillimin e tij dhe sipas “Mumsnet” ka disa mënyra për ta bërë fëmijën të hajë më shumë nga këto produkte.
Si ta bëjmë fëmijën të hajë më shumë fruta dhe kos?
- Me anën e një smoothie. Mund të përdorni banane, luleshtrydhe dhe kos. Frutat do të jenë më parë të ngrira dhe për pasojë nuk do ta ndiejnë shumë shijen e tyre.
- Frigoriferi do të kthehet në mikun tuaj. Po! I vendosni frutat e prera në kos dhe më pas i ngrini. Kështu do t’ju duket sikur po hanë një akullore.
- Bëhuni pak kreativë. Për shembull mund t’i thoni se edhe Spiderman ha luleshtrydhe, Elsa ha dardha, Borëbardha kivi etj, duke i treguar se ata janë të fortë apo të bukura sepse hanë fruta.
- Zëvendësoni sheqerin me frutat. Për shembull mund të bëni muffins me banane apo fruta të tjera. Kështu fëmijët do të hanë edhe frutat.
- Mos i jepni vetëm fruta. Mund të përzieni pak pure frutash, me copa molle apo dardhe, drithërat që fëmija ka zakonisht dhe pak kos të trashë.
- Ndonjëherë e pamundura tërheq. Për shembull një nënë tregon se vajza e saj e hëngri me një shpejtësi të madhe të gjithë pjatën me fruta pasi i kishte thënë të mos e prekte duke qënë se ishte për babain. Ndoshta mund të provoni edhe ju këtë mënyrë.
- Prezantimi është shumë i rëndësishëm! Pra mënyra si frutat dhe kosi duken kur ja sillni fëmijës. Me pak kreativitet do të krijoni një pjatë të mrekullueshme së cilës edhe fëmija nuk do t’i rezistojë.
Lexo edhe: Pure me banane dhe biskote
')}
Për të lënë një koment ju duhet të jeni regjistruar Identifikohu