A ndihmon apo pengon konsumimi i kolës për arritur një shtatzani?
Një studim i ri nga “Boston University” ka zbuluar se nëse ju apo partneri juaj pini 1 apo më shumë kola në ditë mundësitë tuaja për të ngjizur një shtatzani do të ulen ndjeshëm.
Sheqeri që ngjendet në pijet si kola është përgjegjës për 1/3 e të gjithë sasisë së sheqerit të konsumuar në dietën tuaj. Sheqeri që gjendet në këto pije mund të shkaktojë obezitet, cilësi të ulët të spermatozoidëve te meshkujt dhe menstruacione të çrregullta te femrat, dhe tani sipas këtij studimi të ri, ulje të mundësive për një shtatzani.
“Ne gjetëm një lidhje mes konsumimit të pijeve me sheqer si kola dhe uljes së fertilitetit”, tha autorja e studimit Elizabeth Hatch. Për këtë arsye çiftet që po kërkojnë një shtatzani duhet të limitojnë konsumimin e këtyre pijeve. Për këtë studim i cili u publikua nga “Journal Epidemiology” studiuesit vëzhguan rreth 4000 gra të moshave 21-45 vjeçe dhe rreth 1000 nga partnerët e tyre. Studiuesit vëzhguan të dhënat e tyre mjekësore, stilin e jetesës dhe dietën e tyre. Ata zbuluan se gratë që konsumonin të paktën 1 kola në ditë kishin 25% më pak mundësi për të ngelur shtatzënë ndërsa për meshkujt që konsumonin 1 kola në ditë mundësia që ata të ngjiznin një fëmijë ulej me 33%.
Studimi gjithashtu zbuloi se edhe konsumimi i pijeve energjike kishte efekte të rënda për fertilitetin e një çifti. Ndërsa për sa i përket lëngjeve të frutave dhe pijeve dietike nuk u gjetën prova se ato kishin ndikim në fertilitetin e femrave apo meshkujve.
Lexoni dhe:Perdorimi i paracetamolit dhe ibuprofenit ne shtatzani ka efekte negative ne fertilitetin e bebit
')}
Për të lënë një koment ju duhet të jeni regjistruar Identifikohu