Prej shumë kohësh doktorët e kanë ditur dhe e kanë shprehur qartë se dieta e shëndetshme dhe aktiviteti fizik janë mënyrat më të mira për të pasur një shëndet të mirë. Por shumë pak njerëz arrijnë të plotësojnë normën e rekomanduar prej 150 minutash aktivitet fizik në ditë.
Në fakt vetëm 20% e njerëzve arrijnë ta përmbushin këtë rekomandim, ndërsa 80% e njerëzve nga mosha 6+ vjeçare janë shumë pak aktivë ose thuajse plotësisht inaktivë. Por njerëzit që bëjnë një jetë të tillë, në të ardhmen paguajnë një çmim shumë të lartë. Për shkak të stilit të tyre të jetesës ata janë më të rrezikuar nga problemet shëndetësore që përfshijnë sëmundjet e zemrës madje edhe kancerin.
Për këtë arsye ekspertët duan që njerëzit të kuptojnë përfitimet pozitive që aktiviteti fizik ka në shëndetin e njerëzve. Sipas tyre aktiviteti fizik mund të ngadalësojë plakjen, përmirësojë gjendjen emocionale, forcojë shikimin dhe mund të “dhurojë” shumë përfitime të tjera fizike dhe mendore.
Ndaj “National Institutes of Health” (NIH) në SHBA do të nisë një studim gjigand këtë vit. Studimi do të regjistrojë se çfarë ndodh brenda një trupi aktiv. Përmes këtij studimi NIH shpreson të vërtetojë shkencërisht se ativiteti fizik është ilaçi më i mirë për njerëzit.
Studimi do të zgjasë për 6 vite dhe në të do të marrin pjesë më shumë se 3000 vetë nga mosha 11 vjeçare dhe më të medhenj, të cilët deri më sot kanë pasur një jetë jo aktive. Ata do të ndahen në grupe dhe do tu jepet një program me ushtime fizike. Përpara çdo seance stërvitjeje, pjesëmarrësve do tu matet presioni i gjakut, përqindja e dhjamit në trup dhe masa muskulore. Shkencëtarët do t’i krahasojnë të dhënat e marra prej tyre me një grup tjetër njerëzish që do të vazhdojnë të bëjnë një jetë jo aktive.
Me anë të rezultateve të vërtetuara shkencërisht NIH shpreson që njerëzit do ti pranojnë më në fund përfitimet shendetësore që vinë nga një jetë aktive dhe do ta ndryshojnë stilin e tyre të jetesës.
Lexoni dhe: Momenti i duhur për aktivitet fizik pas lindjes me operacion
')}
Për të lënë një koment ju duhet të jeni regjistruar Identifikohu