Një nga problemet më të më mëdha me të cilat përballet një nënë e re, në ditët e para të ardhjes së fëmijës në jetë është mungesa e gjumit. Ky problem bëhet dyfish më i vështirë nëse nuk jeni bekuar vetëm me një, por me dy fëmijë njëherësh. Nëna e dy binjakëve tregon përjetimet e saj lidhur me gjumin, pas lindjes si dhe mënyrën si e gjeti zgjidhjen.
Rrëfimi i nënës së binjakëve
Netët pa gjumë ishin ndoshta pjesa më e vështirë e të qenit nënë e fëmijëve binjakë dhe veçanërisht përpjekja për t’i ushqyer ekskluzivisht me gji të dy. Rreth muajit të katërt ose të pestë zbulova një mënyrë që unë të mund të flija duke i pasur të dy në gji, me teknikën e qëndrimit shtrirë të dyfishtë.
Kjo është e mundur vetëm kur ata janë mjaftueshëm të rritur e të aftë për të mbajtur kokën vetë, duke rritur mundësinë që mamaja të pushojë në të njëjtën kohë. Foshnjat ishin në gjendje të flinin shumë më lehtë në këtë mënyrë ndërkohë që ishin të gjithë bashkë, pranë njëri-tjetrit.
Mungesa e gjumit është vërtet një problem i madh. Ajo shkakton ndryshime të humorit, dobëson imunitetin, probleme me kujtesën, përqendrimin dhe të menduarit. Mund të kalonin ditë që nuk flija, ose mbijetoja me shumë pak orë gjumë.
Për rreth katër muaj, shtrirja për të fjetur në këtë mënyrë ishte rruga e vetme për t’i vënë në gjumë me sukses. Unë fillova të ndaj udhëtimin tim në Instagram sepse doja që mamatë e tjera që kalonin këtë kapitull jashtëzakonisht të vështirë të dinë se nuk janë vetëm dhe se situata do të bëhet mirë me kalimin e kohës!
Lexo edhe: Si ta vendosësh në gjumë fëmijën në mënyrën e duhur
Për të lënë një koment ju duhet të jeni regjistruar Identifikohu