Mund t’ju mbrojnë nga kanceri
Mangot kanë shumë lloje të polifenoleve. Këto komponime bimore kanë aktivitet antioksidues që mbrojnë qelizat nga dëmtimi i ADN-së që mund të çojë në sëmundje degjenerative, duke përfshirë diabetin e tipit 2 dhe kancerin.
Nxisin sistemin imunitar
Një filxhan mango siguron rreth një të katërtën e sasisë së nevojshme ditore për vitaminë A, një lëndë ushqyese që është esenciale për funksionimin e duhur të sistemit imunitar. Mungesa e vitaminës është e lidhur me një ndjeshmëri më të madhe ndaj infeksioneve.
Përmirësojnë lëkurën dhe shëndetin e flokëve
Vitamina A në mango është gjithashtu çelësi për zhvillimin dhe mirëmbajtjen e llojeve të shumta të indeve epiteliale, duke përfshirë lëkurën dhe flokët. Një filxhan mango furnizon gjithashtu rreth 75% të marrjes së përditshme të vitaminës C. Kjo lëndë ushqyese është e nevojshme për të prodhuar kolagjen, një lloj indi që i jep lëkurës elasticitetin dhe ndihmon në parandalimin e rrudhave.
Mund të lehtësojnë kapsllëkun
Në një studim mbi njerëzit me kapsllëk kronik rezultoi se konsumi i mangove është shumë efektiv.
Përmirësojnë e rregullimin e sheqerit në gjak
Duket e pamundur që një ushqim i tillë i ëmbël të përmirësojë sheqerin në gjak, por ky ishte përfundimi i një studimi në Oklahoma State University. Për 12 javë, 20 meshkuj dhe femra hëngrën 10 gramë mango të ngrirë (ekuivalente me rreth gjysmën e një mango të freskët) çdo ditë. Në fund të studimit, pjesëmarrësit kishin nivel më të ulët të glukozës në gjak sesa kur filluan eksperimentin.
Mbrojnë shëndetin e syve
Antioksidantët lutein dhe zeaxanthin të gjetur në mango ndihmojnë sytë tuaj në disa mënyra. Dy komponimet natyrore, të cilat mbrojnë retinën dhe lenten, kanë treguar të rrisin gamën vizuale, pakësojnë sikletin nga dritat e forta, rritin kontrastin vizual dhe zvogëlojnë kohën që duhet të shërohen nga dritat e papërshtatshme.
Lexo edhe: Mango lufton kapsllekun
Për të lënë një koment ju duhet të jeni regjistruar Identifikohu