Quhet Aleks, është vetëm 4 vjeç dhe në momentin që unë apo edhe të tjerët, e pyesim se çfarë është duke bërë mbi kompjuter, përherë ka një përgjigje në majë të gjuhës, “Jam duke punuar, ju lutem më lini të qetë”.

Për shkak të zhvillimit të teknologjisë përdorimi i internetit është i paevitueshëm. Prandaj më tepër sesa censurimin e tij duhet të fokusohemi dhe përforcojmë mënyrat pozitive dhe të sigurta në përdorimin e tij.

Si?

• Mos e vendosni kompjuterin në dhomën e fëmijës por në një vend më të hapur. Mirë do të ishte ta vendosnit në sallon pasi aty qëndrojnë edhe pjesëtarët e tjerë të familjes dhe kështu fëmijës do t’i duhet të bëjë kujdes në vizitimin e faqeve të caktuara. Herë pas here, hidhni sytë tek ekrani i kompjuterit për të parë se çfarë faqesh është duke vizituar ai, por jo deri në masën që ta bëni të ndihet i kërcënuar.

• Flisni për rreziqet e përdorimit të internetit. Ndërtoni një komunikim të hapur me fëmijën tuaj dhe i kërkoni që, në qoftë se dikush përpiqet ta ngacmojë në internet, t’ju njoftojë. I kërkoni që të mos pranojë njerëz të panjohur si miq në rrjetet e ndryshme sociale.

• Mos lejoni që fëmija të qëndrojë në internet për një kohë të gjatë ose në orët e vona të mbrëmjes. Vendosni një orar të përshtatshëm kur edhe ju jeni në shtëpi.

• U shpjegoni rreziqet. Fëmijëve u duhen shpjeguar rreziqet me të cilat mund të përballen gjatë përdorimit të teknologjisë dhe mënyrat me të cilat mund t’i shmangin ato. Këshillojini fëmijët të mos përdorin faqe të caktuara në internet dhe të mos bëjnë publike të dhëna personale të hollësishme.

• Vendosini fëmijës kuijtë e duhur për përdorimin e teknologjisë. Për fëmijët 4-6 vjeç, koha maksimale e qëndrimit para kompjuterit këshillohet të jetë 30 min, për ata 7-10 vjeç 45 min, për fëmijët 11-13, 1 orë dhe mbi 14 vjeç (adoleshentë) 1.5 orë.

• Luani bashkë me fëmijët, kështu ju mund të flisni rreth tyre. Drejtojeni fëmijët tuaj tek lojëra që bazohen në sporte, art ose muzikë.

• Kanalizimi i energjisë në sporte të ndryshme është mjaft i vlefshëm në zhvillimin fizik dhe mendor të fëmijës, ndërsa harxhimi i kohës përballë kompjuterit, privon fëmijët nga aktivitetet e ndryshme kulturore si lojërat në grup. Një aktivitet i zgjedhur me kujdes, mund të jetë jo vetëm argëtues, por edhe ndihmon fëmijët të kultivojnë durimin, këmbënguljen, vetëkontrollin dhe të zhvillojnë fantazinë.

Lexoni edhe: Si ta beni internetin nje mjedis te sigurt per femijen tuaj?

')}