Shtimi i dezinfektuesve vë në rrezik helmimi fëmijët

0 0

Urgjenca e Koronavirusit duket se po vjen duke u zbehur, por ajo që na ka mësuar mbetet shume e pranishme mes nesh. Mbi të gjitha, një higjienë e kujdesshme që përfshin përdorimin e dezinfektuesve për ne dhe shtëpinë. Por kini kujdes: të dhënat në lidhje me periudhën e pandemisë nga Covid-19 kanë sinjalizuar një rritje drastike të rasteve të helmimit aksidental, veçanërisht te fëmijët, të dëshmuar direkt nga numri i lartë i telefonatave në Qendrat e Helmimeve dhe prania në Sallën e Emergjencave pikërisht për për shkak të aksidenteve shtëpiake të këtij lloji, me një rritje prej 20% në krahasim me të njëjtën periudhë të vitit 2019.

Alarmi nga spitali Niguarda në Milano

Të parët që ngritën alarmin ishin mjekët e Qendrës së Helmimit të spitalit Niguarda në Milano: shërbimi konsulent i spitalit Milanez mblodhi 65% më shumë kërkesa për helmim nga përdorimi i dezinfektuesve, deri në 135 % më shumë në grupmoshën nën 5 vjeç.

Më shumë kohë në shtëpi

Arsyet janë dukshëm të ndryshme dhe në mesin e tyre duhet të renditet edhe fakti që fëmijët kanë qëndruar në shtëpi 24 orë në ditë, veçanërisht kur janë të vegjël, kalojnë shumë kohë duke eksploruar dhe eksperimentuar me rezultate shpesh negative. Përgjegjësia në këtë rast mbetet e prindit, pasi lënia e larësve dhe dezinfektuesve në dispozicion të të vegjëlve mund t’i shtyjë ata të eksperimentojnë, duke shkaktuar dëmtim të lëkurës, syve dhe helmim nëse gëlltiten: këto produkte prandaj duhet të mbahen larg fëmijëve, ndoshta mund të konsideroni edhe mundësi ë në një dollap me kyç.

Së fundmi, kushtojini vëmendje mënyrës se si trajtohen produktet: Sanitizuesit dhe dezinfektuesit duhet të përdoren gjithmonë siç rekomandohet në etiketë dhe nëse këshillohet të përdoren duke veshur doreza, është mirë që gjithmonë ta bëni këtë për të shmangur acarimet dhe djegiet në lëkurë.

Mos tentoni të bëni vetë dezinfektues

Asnjëherë mos i përzieni produktet së bashku, mbase në një përpjekje për t’i bërë ato më të fuqishme: rreziku i një reagimi negativ të kimikateve rritet, duke lëshuar gazra irritues ose toksikë, të cilët kur thithen, mund të shkaktojnë probleme serioze në frymëmarrje, veçanërisht nëse ekspozimi zhvillohet në dhoma të mbyllura. Duhet pasur kujdes që të mos përdorni produkte acide me ujë shumë të nxehtë, sepse avujt që lëshojnë mund të jenë toksikë. Më në fund, është më mirë të hapni gjithmonë dritaret kur përdorni produktet në mënyrë që molekulat e paqëndrueshme të dalin jashtë.

Nëse fëmija ka gëlltitur një dezinfektues, është e rëndësishme të mos përhapni panik, por menjëherë të telefononi Qendrën e Kontrollit të Helmimeve dhe të ndiqni me përpikëri udhëzimet e mjekut. Kini kujdes që të mos e hidhni paketimin e produktit të gëlltitur, i cili mund t’i japë informacion të dobishëm mjekut për trajtim.

Lexo edhe: Tharja e duarve me letër apo pajisje me ajër, cila është më e sigurt për mikrobet?






Për të lënë një koment ju duhet të jeni regjistruar Identifikohu



Materiale te ngjashme

A mund të trajtohet depresioni...

A mund të përdoren anti-inflamatorët për të trajtuar depresionin? Do të nevojitet një hetim i mëtejshëm për të konfirmuar këtë, por një studim, i botuar në American Journal of Psychiatry,...

Virusi N5H8, a jemi në...

Pas më shumë se një viti e gjysmë që kemi bashkëjetuar me Covid-19, të gjithë duhet të kemi një ide më të qartë se çfarë do të thotë të jetosh...

Nivele të larta të kolesterolit...

Efekti i kolesterolit LDL (i ashtuquajturi kolesterol i "keq") në rrezikun e zhvillimit të një infarkti miokardi gjithashtu varet nga gjenet dhe duke kombinuar informacionin mbi nivelin e kësaj lënde...

Rrezet e diellit dhe plazhi...

Rrezet e diellit kanë efekt kundër koronavirusit, tani është provuar shkencërisht. Ekspozimi ndaj dritës së diellit së bashku me vaksinimin mund të përfaqësojë një kombinim të duhur për të mposhtur...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X