Kur flasim per lehoninë i referohemi periudhës pas lindjes (2 orë pas saj) deri ditën e 40-të pas lindjes. Gjatë kësaj periudhe gruaja është tepër delikate qoftë nga ana psikologjike ashtu edhe nga ana fizike. Por cilat janë shqetësimet më të shpeshta të nënës së re gjatë kësaj periudhe?
• “Kafshimet uterine”. Kjo ndjesi shfaqet në zonën sipër vaginës, kryesisht gjatë thithjes së gjirit nga fëmija. Këto “kafshime” shkaktohen nga hormoni i oksitocinës.
• Urinim i pavullnetshëm. Gruaja pas lindjes mund të përballet me nje proçes të pavullnetshëm urinimi, kjo si pasojë e një funksionimi jo të mirë (ngathtësi) të muskujve gjatë shtatëzanisë si edhe për shkak të edemave të krijuara në qafën e mitrës.
• Djersitja e madhe. Gjatë lehonisë djersitja do të shërbejë si një mekanizëm për të nxjerrë jashtë trupit lëngjet e tepërta të mbledhura në trup gjatë shtatëzanisë. Këtë gjë mund ta favorizoni duke pirë shumë ujë natyral.
• Humbje e tonifikimit të muskujve. Kjo do të bëjë që barku të jetë shumë i varur, dhe do të jetë edhe më e theksuar nëse barku gjatë shtatëzanisë ka qënë shumë i madh, për shembull gjatë një shtatëzanie me binjakë. E favorizoni tonifikimin e tyre nëpërmjet gjimnastikës.
• Dhimbje dhe tension në plagën e operimit apo epiziotomisë (qepjes vaginale). Kjo dhimbje dhe tension do të jetë e pakëndëshme për gruan. Tek plaga e operacionit gruaja mund të ndiejë edhe ndjesinë e kruajtjes.
• Rrjedhje të bollshme vaginale (lokacione). Këto nuk janë menstruacionet, por shtresat sipërfaqësore të mukozës uterine. Këto lokalcione mund të jenë hematike (me copa të vogla) gjatë 2-3 ditëve të para. Më pas gjakderdhja do të vazhdojë rreth 20-25 ditë.
• Rënia e flokëve. Ky është një shqetësim tipik i lehonisë, dhe në këtë rast pjesa më e madhe e flokëve që bien, rikuperojnë.

Lexoni edhe: 3 gjerat qe duhet te keni kujdes pas lindjes