Shenja tipike e Covid-19 tek fëmijët: temperatura e lartë

0 0

Një studim i ri italian konfirmon një hipotezë që ka qarkulluar që në fazat e hershme të pandemisë Covid-19: fëmijët sëmuren më pak dhe më rrallë. Kur ata kanë simptoma, më e zakonshmja është temperatura. Kjo nuk do të thotë që nëna dhe babai duhet të alarmohen menjëherë kur fëmija i tyre ka temperaturë, por sigurisht që është e rëndësishme që ata të mos i lënë pas dore shenjat.

Rezultatet e studimit italian

Ka kaluar pothuajse një vit që kur rastet e para të Covid-19 u regjistruan në Itali. Pavarësisht nga vështirësitë dhe gabimet, që nga ajo kohë janë bërë disa hapa përpara. Sot, dihet shumë më tepër për sëmundjen dhe trajtimi i saj bëhet në mënyrë më efektive. Për më tepër, shumë studime janë kryer, përfshirë këtu edhe fëmijët. Një nga më të fundit u zhvillua nga Shoqata Italiane e Pediatrisë dhe Shoqëria Italiane e Sëmundjeve Infektive Pediatrike (Sitip) në mbi 50 qendra italiane të sëmundjeve infektive, dhe u prezantua në kongresin e jashtëzakonshëm dixhital të Sip.

Fëmijët shpesh nuk kanë simptoma

Hulumtimi përfshiu 759 fëmijë, nga të cilët 20% ishin nën një vjeç. Deri më sot, ky është studimi më i hollësishëm Evropian mbi rastet pediatrike të infeksionit Covid-19. Autorët mblodhën të dhëna nga një popullatë e larmishme pediatrike, në mënyrë që të kuptonin më mirë progresin e sëmundjes në këtë grupmoshë. Ata kështu zbuluan se infeksioni Sars-Cov-2 tek fëmijët në të vërtetë është kryesisht pa simptoma.

Mos nënvlerësoni temperaturën

Në rastet kur fëmijët shfaqin simptoma, ata kryesisht kanë temperaturë. Në fakt, në 81.9% të rasteve pediatrike të Covid-19, sinjali fillestar është rritja e temperaturës. Pason kollitja (38%), rrufa (20,8%) dhe diarreja (16%). Sidoqoftë, tek adoleshentët, simptomat janë më të ngjashme me ato të të rriturve: ndryshime në shije dhe erë, të vjella, dhimbje koke dhe dhimbje gjoksi. Sipas sondazhit, rrjedhimisht, rrjedha e sëmundjes ndikohet gjithashtu nga mosha në popullatën pediatrike.

Ekspertët, bazuar në këo të dhëna, ftojnë prindërit të tregohen të vëmendshëm për shenjat që shfaqin fëmijët e tyre. Ata nuk duhet të panikosen menjëherë nëse fëmijët kanë temperaturë, por kontaktoni pediatrin për të kuptuar se si të veproni.

Gjatë kongresit, u fol edhe për mundësinë e përhapjes së Covid nga fëmijët. Nga një analizë e gjerë doli se fëmijët rrallë transmetojnë Covid-19: bëhet fjalë për shifrat 8%.

Lexo edhe: Tashmë e vërtetuar, gjidhënia nuk transmeton Covid-19 nga nëna pozitive




Për të lënë një koment ju duhet të jeni regjistruar Identifikohu



Materiale te ngjashme

Shkrimi me dorë ndihmon zhvillimin...

Kompjuterët dhe tabletët janë mjete thelbësore për të mësuar. Në kohë pandemish, me marrëdhënie të kufizuara shkollore dhe shoqërore, ata i lejuan fëmijët të ndiqnin mësimin, të flisnin me miqtë...

Ndryshimet e fëmijëve gjatë pandemisë:...

Nga njëra anë, problemet e gjumit dhe një rritje në konsumin e vakteve të ndërmjetme dhe përdorimit të TV. Nga ana tjetër, përmirësimi i marrëdhënies me vëllezërit e motrat dhe...

Si ndikojnë ngjarjet traumatike tek...

Ngjarje stresuese publike - të tilla si veprime ushtarake, akte terroriste, të shtëna, rrëmbime, përplasje aeroplani, zjarre, fatkeqësi natyrore ose të shkaktuara nga njeriu, apo shpërthime të sëmundjeve - mund...

Çfarë ndodh tek fëmijët nëse...

Gjithë marrëdhënia që ne ndërtojmë me fëmijët, mënyra si flasim, si reagojmë, kontakti fizik, qëndrimet që mbajmë e çdo element tjetër i komunikimit me ta, ka ndikim të jashtëzakonshëm. Gjithçka...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X