Nënat që i kanë fëmijët 2–vjeç, janë të vetëdijshme për fazën e tyre. Kjo është një nga fazat më të vështira.
Kapriçio të vazhdueshme agresive, të bërtitura pa asnjë shkak është dita e një prindi që ka fëmijën në këtë moshë. Por për të shmangur këtë “luftë” që ndodh, së pari duhet të njihni mirë disa strategji që ta keni më të lehtë menaxhimin e tyre në këtë moshë.
Pse ndodh?
Tekat dhe të bërtiturat në këtë moshë janë sjellje që nuk mund të zhduken menjëherë. Në këtë moshë ata fillojnë dhe të eksplorojnë dhe të kuptojnë që për çdo lëvizje që bëjnë, mami i tyre ka përgjigje të ndryshme. Në këtë kuptim ata fillojnë dhe janë më të pavaruar. Ecin vetë, flasin dhe shprehin dëshirat që kanë.
Në rastin e fëmijës 2 vjeçar që fillon të ketë teka është se ai fillon të kuptojë se ka fuqi për të përcaktuar marrjen e një vendimi.
Shembull:
I thash djalit “jo” për një lodër që donte të blinte në një qendër tregtare. Filloi të qante a thua kishte ndodhur diçka e tmerrshme! U ul në tokë dhe filloi të bërtiste. Ishte fiks si në një skenë teatri. Në fund ja bleva lodrën që kërkonte!
Por pse ndodh kjo? Në atë moment fëmija kupton se mendja e nënës ka aftësinë për të vendosur diçka ndryshe nga ajo që dëshiron!
Deri në një pikë të caktuar të zhvillimit të fëmijës, nënat gjithmonë i kanë plotësuar nevojat e tyre (ushqimi, gjumi dhe nevoja për siguri), dëshirat e fëmijës përputhen me vëmendjen e nënës.
Ja disa strategji menaxhimi:
- Shkoni në nivelin e tij, luani me të, provoni përsëri pas gjysmë ore nëse nuk bindet;
- Pak rregulla, por të qarta;
- Përgjigjuni me qetësi;
- Dëgjojeni fëmijën deri në fund;
- Përsërisni rregullin;
- Referohuni diku.
Çfarë duhet të bëni kur fëmija është dy vjeç
Kjo gjendje e një fëmije dy vjeç është një hap themelor për rritjen e tij. Vonesa e kësaj faze do të thotë që diçka nuk është në rregull. Kalimi i moshës dy vjeç me sukses tek fëmija është e vetmja mënyrë për t’u rritur në një mënyrë të shëndetshme!
Lexo edhe: Le femijen 2 vjec vetem ne kuzhine , e gjen shtepine gati te shkaterruar!
Për të lënë një koment ju duhet të jeni regjistruar Identifikohu