Rritja e peshës në shtatzani është e pashmangshme, kjo pasi do të rritet fëmija brenda jush, sasia e ujërave, organet do të akumulojnë yndyrë të nevojshme për t’u shpenzuar në gjidhënie. Në këtë moment gruaja duhet të mësojë të ushqehet në mënyrën e duhur, duke përdorur më tepër ushqimet që përmbajnë fibra, vitamina dhe minerale dhe të eleminojë ato që përmbajnë shumë yndyrë. Ju nuk duhet të mbani dietë në shtatzani por të zgjidhni ushqimet që konsumoni.

Sa peshe duhet të shtojmë gjatë 9 muajve të shtatzanisë?

• Gjatë trimestrit të parë mund të ndodhë që nëna e ardhshme të humbë peshë duke qënë se mund të ketë episode të shpeshta të vjellash. Edhe barku deri në javën e 12 nuk do të duket por ky nuk është një rregull që vlen për të gjitha gratë. Në këtë moment do të fillojnë të shfaqen edhe nepset dhe kështu do të konsumoni më shumë disa ushqime dhe do të preferoni më pak disa të tjera. Largoni nga dieta juaj ushqimet krudo  dhe hani më shumë fruta dhe perime.
• Gjatë trimestrit të dytë të vjellat do të jenë larguar dhe gjithashtu nëna duhet të ketë hequr nga dieta e saj kafenë, pijet alkolike, ushqimet krudo, dhe gjatë kësaj kohe mund të merret rreth 1.5 kg në muaj. Duhet të peshoheni gjithmonë dhe t’i përmbaheni kësaj peshe për të mos pasur problem gjatë trimestrit të fundit.
• Trimestri i fundit. Janë më të lodhshmit dhe në këtë kohë nëna do të marrë 2 kg në muaj dhe në fund të shtatzanisë nuk duhet të keni marrë më tepër se 13 kg. Për këtë arsye ju duhet të preferoni më tepër frutat dhe perimet (të paktën 5 porcione në ditë), peshkun (2 porcione në javë), ushqimet e pasura me hekur (mishi, brokoli, lakrat, thjerrëzat, veza, buka integrale), ushqimet proteinike, karbohidratet (makarona, buka, orizi, drithërat), lakticinet (prodhimet e bulmetit të pasterizuara).

 

Lexoni dhe: Perse pas shtatzanise pesha e gruas rritet?

')}