Gjumi është shumë i rëndësishëm për këdo, por kur flasim për fëmijët ai është i një rëndësie pak më të veçantë. Kur fëmijët kanë bërë një gjumë shumë të mirë nuk grinden, janë më të çlodhur dhe si pasojë të qetë dhe të lumtur.
Gjatë gjumit, truri organizon dhe katologon informacionin e marrë gjatë ditës. Në një studim të bërë me fëmijët e kopshteve, u vu re se fëmijët që flinin në mesditë kishin një memorie më të qartë se sa ata që nuk flinin.
Gjumi suporton sistemin imunitar
Gjatë periudhave plot stres apo atyre kur ne rritemi kemi zakonin që të flemë më shumë.
Kjo ndodh sepse trupi ynë lëshon një substancë të quajtur kitokinë, e cila prodhohet vetëm kur trupi është në qetësi. Nëse ne nuk lejojmë që kjo substancë të kryejë punën e saj, pasojat janë në shëndetin e organizmit tonë.
Gjumi nxit rritjen
Gati 40% e jetës së fëmijëve shpenzohet në gjumë. Kjo është diçka pozitive pasi kështu ata rriten. Nëse fëmijët nuk flenë hormonet e rritjes nuk përqëndrohen në rritjen e këtij organizmi të ri, por shpenzohen për veprimet që ai bënë kur është zgjuar.
Age–>Mosha
PM –> Pasdite
Oraret kur duhet të flenë
Sa orë duhet të flenë?
Kohëzgjatja ndryshon në saj të moshës së fëmijës, më poshtë keni të shfaqur një përmbledhje të shkurtër:
Të porsalindurit deri 2 muaj: 10.5–18 orë
3–12 muajsh: 9.5–14 orë
1–3 vjeç: 12–14 orë
3–5 vjeç: 11–13 orë
5–12 vjeç: 10–11 orë
13–18 vjeç: 9 orë
Shenjat që fëmija juaj nuk ka fjetur mjaftueshëm
- Inatoset shumë shpejt
- Nuk orientohet mirë
- Harron shpejt
- Është shumë i ndjeshëm
- Nuk ka energji
Mungesa e gjumit sjell dhe pasoja në performancën në shkollë. Që rezulton në një arsim jo të mirë të fëmijës.
Si mund të ndihmojmë fëmijët tanë të flenë gjumë?
Gjëja kryesore që duhet të bëni është të krijoni një rutinë. Një gjë e tillë i ndërton fëmijës një rend kronologjik në subkoshiencën e tij. Në momentin që nis hapi i parë i rutinës, truri merr sinjalin që pas pak minutash duhet të flejë. Dhe kështu dërgon mesazhe në të gjithë organizmin e fëmijës.
Një rutinë paragjumi përfshin:
- Një përrallë;
- Veshjen e pizhamave;
- Larjen e dhëmbëve;
- Mbase pak çaj kamomili;
- Vendosjen e një muzike qetësuese dhe me zë të ulët;
- Vendosja e vajërave esencial natyral në dhomën e tyre;
- Keni për ta parë që kur një fëmijë fle dhe është i shëndetshëm, e gjithë familja është e qetë dhe në harmoni.
Lexo edhe: Cfare eshte regresi i gjumit?
Sorry, there are no polls available at the moment.')}
Për të lënë një koment ju duhet të jeni regjistruar Identifikohu