Të vësh në gjumë fëmijët është shumë e vështirë, por imagjinoni të kesh 3 fëmijë të vegjël nën moshën 2-vjeçare, për të cilët duhet të kujdesesh njëkohësisht. Një nënë kanadeze ka postuar një video në Facebook që tashmë është bërë virale ku tregon këtë moment si një nga të përditshmit e saj.

Me mbishkrimin mami dhe treshja e të vegjëlve ajo duket duke u “rrokur” me binjakët e saj tetë muajsh dhe vajzën e madhe 2-vjeçare.

Pavarësisht se sa shumë hidhen fëmijët, ajo është në gjendje t’u veshë atyre pizhamat dhe t’i vërë në shtrat për të fjetur.

Videoja tani ka mbi 106 milionë shikime dhe gati dy milionë shpërndarje vetëm në Facebook. Shumë njerëz komentuan me vlerësim për nënën që ia doli të menaxhonte 3 fëmijë të lëvizshëm.

Vetë nëna komenton “Sfidat dhe puna që duhet me tre fëmijë nuk është sekrete, por dashuria dhe lumturia që ata sjellin në jetën tonë e tejkalon gjithë këtë!”

Të njëjtën gjë ka bërë edhe bashkëshorti i saj, duke postuar gjithashtu një video me mbishkrimin “Radha e babit”, për të treguar që në familjen e tyre detyrat ndahen në mënyrë të barabartë.

Lexo edhe: Nenat qe i vene femijet heret ne gjume jane me pak te stresuara

Sorry, there are no polls available at the moment.