Rubeola është një sëmundje infektive që shkaktohet nga virusi i rubeolës. Transmetimi i virusit bëhet nëpërmjet rrugëve të frymëmarrjes dhe shfaqet rreth 10-15 ditë pas infektimit. Rubeola përbën rrezik për gruan shtatëzanë, sidomos nëse infektimi ndodh gjatë tremujorit të parë. Ajo mund të jetë e detyruar të bëjë ndërprerje të shtatëzanisë për shkak të rrezikut të madh që fetusi të ketë anomali. Pasi gruaja kalon një infektim, merr imunitet për gjithë jetën.

Rreziku për fëmijën

Si pasojë e infektimit mund të ndodhë abort, vdekje fetale, infeksion në plaçentë por edhe infektim i fetusit. Plaçenta siguron një mbrojtje nga java 12-28, e cila është e vogël në trimestrin e parë. Nëse infektimi ndodh në tremujorin e dytë rreziku bëhet më i vogël dhe nëse ndodh në të tretin behet fare i parëndësishëm.

Cilat janë anomalitë që rubeola mund të shkaktojë tek fetusi?

• Shurdhim;
• Katarakt;
• Anomali në zemër;
• Peshë e vogël në lindje;
• Defekte të palcës së kuqe të kockave.

Si mund të trajtohet rubeola?

Nuk ekziston ende një terapi specifike, madje as edhe një mundësi për të parandaluar transmetimin e rubeolës nga nëna tek fëmija. Për të parandaluar këtë sëmundje nëna duhet të kryejë vaksinën e posaçme e cila do ta bëjë atë të jetë imune ndaj sëmundjes dhe për pasojë të mos preket kurrë prej saj. Nëse jeni femër e re dhe nuk jeni ende e vaksinuar, duhet të kryeni menjëherë këtë vaksinë! Në momentin që jeni shtatëzanë vaksinimi nuk mund të kryhet.