Sipas një studimi të ri në SHBA është rritur në mënyrë të ndjeshme numri i vizitave në spital për shkak të tentativave për vetëvrasje. Studimi zbuloi se që nga viti 2008 deri në vitin 2015 në spitalet e fëmijëve, është rritur thuajse dyfish numri i vizitave të fëmijëve që kanë tentuar të vetëvriten apo kanë patur mendime vetëvrasëse.

Rritjen më të lartë e kanë treguar adoleshentët e moshave 15-17 vjeç, dhe megjithëse pre e mendimeve vetëvrasëse bien edhe djemtë, duket se vajzat janë ato që janë në rrezik më të lartë.

Githashtu studimi zbuloi se numri i tentativave për vetëvrasje ulet në verë dhe fillon të rritet sërish në vjeshtë.

Skuadra e studiuesve i nxori këto shifra pas ekzaminimit të të dhënave nga 49 spitale të ndryshme, ku ishin paraqitur rreth 116.000 urgjenca për shkak të tentativave për vetëvrasje.

Por mosha dhe gjinia nuk ishin faktorët e vetëm që përcaktonin rrezikshmërinë që fëmijët kanë për të kryer vetëvrasje.

Një tjetër faktor ishin dhe të ardhurat ekonomike e familjes, por ndryshe nga sa besohet përgjithësisht, ata që kanë prirjen më të lartë për të tentuar vetëvrasje nuk janë fëmijët që vijnë nga familje me të ardhura të ulëta por fëmijët për familjet e të cilëve paraja nuk është problem.

Veç adoleshentëve duket se numri i tentativave për vetëvrasje është rritur edhe te paraadoleshentët e moshave 10-15 vjeç. Sipas të dhënave të spitaleve numri i tentativave për vetëvrajse në këtë grupmoshë është rritur me 24% për 15 vitet e fundit.

Ndaj studiuesit këshillojnë prindërit që tu qëndrojnë afër e t’i mbështesin fëmijët e tyre dhe të kërkojnë ndihmë nga profesionistët në qoftë se vënë re se fëmijët e tyre shfaqin mendime vetëvrasëse apo lëndojnë veten e tyre, gjithashtu ata paralajmërojnë se ka shumë mundësi që fëmijët ta tentojnë vetëvrasjen më shumë se 1 herë.

Lexoni dhe: Çfarë duhet të dini për depresionin e fëmijëve

')}