Meghan Markle paska mbajtur gjatë kësaj kohe një sekret të dhimbshëm për të e për familjen e saj. Ajo ka zbuluar së fundmi se ka ka kaluar një abort gjatë muajve të verës si dhe ka ndarë përjetimet për këtë ngjarje të hidhur.

“Pasi i ndërrova pelenën ndjeva një shtrëngim të fortë. Shkova në katin poshtë me Archie-n në krahë, duke kënduar një ninullë për të na qetësuar të dyve, por po e ndjeja se diçka nuk po shkonte mirë. E dija se ndërsa shtrëngoja fëmijën tim të parë, po humbisja të dytin. Orë më vonë, isha shtrirë në një krevat spitali, duke shtrënguar dorën e bashkëshortit tim. E ndjeja mpirjen e pëllëmbës së tij dhe e putha tek gishtërinjtë, që ishin të lagur nga lotët tanë. Duke parë muret e bardhë dhe të ftohtë po imagjinoja se si ne do të shëroheshim”, ka rrëfyer Meghan në një intervistë.

Ajo ka treguar se gjatë asaj kohe u përpoq të shfaqej e fortë dhe e guximshme në publik dhe ka kujtuar momentin kur falenderoi një gazetar që e pyeti gjatë një interviste se si ishte me shëndet.

“Unë iu përgjigja me sinqeritet, duke mos ditur që ajo që thashë do të jehonte kaq shumë tek nënat e reja dhe tek më të moshuarat, tek kushdo që në mënyrën e vet vuante në heshtje. Përgjigja ime ju dha njerëzve mundësinë për të treguar të vërtetat e tyre. Por nuk ishte përgjigja e sinqertë që më ndihmoi, por pyetja vetë”, ka shkruar Meghan.

Meghan Markle dhe Princ Harry u bënë prindër për herë të parë, në 6 maj 2018 me vogëlushin e tyre Archie.

Lexo edhe: Modelja humb foshnjën që priste, publikon foto me të në krahë