Aktualisht jemi në vitin 2018 dhe flitet për një epokë moderne në të gjitha aspektet e jetës. Zhvillimi ekonomik e teknologjik duket se ka përmirësuar ndjeshëm jetën tonë, por fatkeqësisht me shumë dallime.

Ndërsa shumica e fëmijëve shkojnë në shkollë, në kurse, ndjekin aktivitetet e lojërat e preferuara, qëndrojnë në celular, tablet, në kafene e restorante me prindërit, ka një tjetër grup fëmijësh që mund të thuhet se as nuk jetojnë fëmijëri.

Ka nga ata fëmijë që lodra kanë kazanët e plehrave, mbledhjen e metaleve, apo ciladoqoftë mënyra për të sigruuar një kafshatë bukë, të paktën për vaktin e radhës.

Me një realitet të tillë kaq të hidhur është përballur këngëtarja shqiptare nga Kosova Adelina Ismaili, të cilin e ka ndarë me ndjekësit e saj në Instagram.

Ajo ka parë një fëmijë me një thes të madh plehrash në shpinë, që mesa duket është puna e tij e përditshme. Pamjet e dhimbshme e kanë lënë pa fjalë këngëtaren, e cila vetëm ka shkruar sipër fotos Prishtinë 2018.

Këtu gjen vend shprehja “një foto mund të flasë sa një mijë fjalë”.

Lexo edhe: Si ndikon varferia ne zhvillimin dhe shendetin e femijes?