Qumështi i gjirit njihet për efektet e mahnitshme si tek nëna edhe tek vogëlushët. Nëna e një vogëlusheje 7 muajshe ka ndarë në rrjet historinë e saj sesi qumështi i gjirit kishte ndryshuar ngjyrë për të mbrojtur vajzën e sëmurë.
Vogëlushja e sëmurë
Nëna e Rainës, një vajze të vogël 7 muajshe tha se nuk kishte kuptuar asnjë shenjë se e bija ishte prekur nga gripi. Sipas nënës, vajza nuk kishte shfaqur asnjë simptomë. Për këtë aryse dhe u shokua, kur pas një testimi mjekja i tha se e bija në të vërtetë ishte prekur nga gripi.
Qumështi ndryshon ngjyrë
Paige, nëna e vogëlushes e ka ndarë historinë e saj në Facebook për të treguar diçka të mrekullueshme. Qumështi i saj i gjirit, të cilin e kishte ruajtur në frigorifer pasi e kishte shtrydhur, kishte ndryshuar ngjyrë. Kjo gjë ndodhi pikërisht në kohën kur vajza kishte marrë virusin e gripit.
Qumështi mbrojti fëmijën
“Qumështi im i gjirit ka krijuar antitrupa për të luftuar çdo infeksion që Raina mund të ketë pasur. Unë kurrë nuk i kam dhënë ilaçe për gripin”.
Paige vazhdoi të inkurajojë nënat e tjera që të mos heqin dorë nga ushqyerja me gji, edhe pse mund ta gjejnë të vështirë këtë rrugëtim.
“Nëse jeni një nënë e re dhe mund të ushqeni me gji, ju lutem të jeni e duruar dhe të kërkoni ndihmë nëse keni nevojë. Ushqyerja me gji është kaq e rëndësishme për foshnjat tona”.
Përse qumështi ndryshon ngjyrë?
Kur jeni sëmurë, trupi juaj djeg kalori shtesë duke u përpjekur për të luftuar atë sëmundje – kështu që nëna do të ketë më shumë yndyrë në qumësht për t’i dhënë energjinë fëmijës së saj, dhe për këtë arsye ngjyra ndryshon.
Lexo edhe: Si e mbron qumeshti i nenes femijen nga infeksionet?
Për të lënë një koment ju duhet të jeni regjistruar Identifikohu