Një nga faktorët kryesor për t’i mësuar fëmijët tuaj të hanë mirë dhe shëndetshëm është prezantimi i një varieteti ushqimesh, shijesh që në një moshë të hershme. Preshi në ketë pure është një zëvendësues për shijen e qepës dhe do të jetë mënyrë e mirë për të ndihmuar bebin tuaj të fillojë zbulimin e ushqimeve dhe shijeve të reja!

Përbërësit

• 1 presh i prerë hollë;
• 1 patate e qëruar dhe prerë në formë kubike;
• 1 fileto pule e gatuar dhe e prerë në kubikë;
• 1 gotë ujë;
• 1 lugë vaj ulliri.

Përgatitja e puresë

• Nxeheni vajin në një tigan në nxehtësi mesatare.
• Shtoni preshin dhe e gatuajeni për 5 minuta.
• Në një tenxhere të vogël vloni ujin.
• Shtoni në tenxhere pataten dhe lëreni të ziejë për 10 minuta ose deri sa të zbutet.
• Kaloni të gjithë përbërësit së bashku me fileton e pulës së parapërgatitur në blendër.
• Grini deri sa të formohet një masë kremoze dhe shtoni pak ujë nëse nevojitet.

Kjo recetë rekomandohet për bebe nga 9 deri në 12 muajsh.

Lexoni edhe: Pure me peshk, karrota dhe presh, nje recete qe bebi juaj do ta adhuroje.