Peshku është një ushqim fantastik për fëmijën tuaj. Jo vetëm që është i pasur me acidet yndyrore si omega 3, që është esencial për zhvillimin e bebit dhe sistemit të tij nervorë, por gjithashtu është i pasur edhe me proteina që do të ndihmojnë rritjen e bebit. Kjo është arsyeja se përse e kemi perfshirë peshkun në këtë recetë të cilën bebi juaj do ta adhurojë.

Koha e përgatitjes: 5 minuta

Koha e gatimit: 15 minuta

Përbërësit:

⦁ 100g fileto peshku
⦁ 3 karrota të qëruara e të pastruara
⦁ 1 presh i copëtuar
⦁ ½ gotë me ujë

Përgatitja:

1. I piqni në avull përbërësit për 15 minuta. Nëse nuk i keni mundësitë për ti pjekur me avull, atëherë thjesht i zieni.
2. Kalojini përbërësit në blender derisa ata të kthehen në një masë kremoze.
3. Që masa të bëhet e njëtrajtshme, mund t’i shtoni pak ujë.

Kjo pure mund të rezistojë 3 ditë në frigorifer ose 2 muaj në ngrirje.

Kujdes! Gjithmonë konsultohuni me mjekun tuaj përpara se t’i prezantoni bebit tuaj ushqime të reja.

Lexoni dhe: Pure me bizele, spinaq e molle