Reth 50% e të gjithë njerëzve në botë nuk dinë të notojnë mjaftueshëm për të shpëtuar veten e tyre nga mbytja. Kjo është frikësuese pasi shumë nga këta njërëz janë prindër, fëmijët e të cilëve me shumë mundësi nuk do të mësojnë të notojnë. Duke marrë në konsideratë faktin se mbytja është një nga shkaqet kryesore për vdekjen e fëmijëve nën 14 vjeç, është thelbësore që të gjithë prindërit tu mësojnë fëmijëve të tyre sesi të notojnë.
Nuk ka rëndësi nëse fëmija juaj nuk bëhet një zhytës apo notar olimpik, e rëndësishme është që ai të mësojë një aftësi shumë thelbësore që më vonë edhe mund t’i shpëtojë jetën atij.
Ju mund të filloni duke e inkurajuar fëmijën tuaj të luaj me ujin në vaskën e tij ose mund ta mbani në një pishinë të cekët në mënyrë që ai të mësojë lëvizjen e këmbëve dhe të duarve. Kjo gjë do ta mësojë atë të mos i frikësohet ujit dhe të kuptojë se ai e ka aftësinë për të notuar.
Megjithatë, pavarësisht përpjekjeve tuaja fëmijës tuaj mund t’i duhen disa orë mësime noti nga një profesionistë. Këto mësime do të përgatisin fëmijën tuaj me njohuritë dhe aftësitë që do t’i nevojiten në rastet kur jeta e tij rrezikohet, kjo është arsyeja përse këto mësime ndonëse pak të shtrenjta janë një investim që të gjithë prindërit duhet të bëjnë për fëmijën e tyre.
Kur duhet të filloni mësimet e notit?
Ju mund të filloni t’i mësoni vogëlushit tuaj gjërat bazike që në moshën 6 mujore, duke e mësuar atë të balancohet vetë në ujë, por kujdes fëmijët nën 1 vjeç nuk duhet të qëndrojnë më shumë se 30 minuta në ujë pasi një qëndrim më i gjatë mund të ulë shumë temperaturën e trupit të tij. Ndërsa përsa i përket mësimeve të notit me një profesionist fëmijët tuaj mund t’i fillojnë ato pas moshës 4 vjeçare. Shumica e profesionistëve punojnë me grupe të vogla fëmijës dhe përdorin pajisje sigurie, kështu që nuk keni përse të shqetësoheni për sigurinë e tyre.
Lexoni dhe: Këshilla për t’i mësuar notin fëmijëve
')}
Për të lënë një koment ju duhet të jeni regjistruar Identifikohu