Ka një sasi të pafundme informacioni dhe përkrahjeje për gratë shtatzëna gjatë çdo tremujori të shtatzënisë, por kur të vijë koha për tremujorin e katërt, mbeteni vetëm. Gjithkush përreth jush, duke përfshirë edhe veten, i zhvendos shqetësimet tek fëmija, dhe harron të përshtatet me jetën e re dhe nevojat e nënës. Fotografja Alex Michele kapi një foto të papërpunuar të një momenti të mikeshës së saj pas lindjes. Ndërsa fokusi i të gjithëve ishte në të porsalindurin e adhurueshëm, Alex Michele u tërhoq nga mikja e saj për një arsye shumë të veçantë.

Fotografja tregon sesi ka hyrë në dhomë dhe ka parë mikeshën e saj të zhytur në dhimbje, pas finalizmit të këtij momenti të madh të lindjes. Teksa të gjithë kanë pasur frikë se do të jetë i porsalinduri, ajo ka pasur frikë për shoqen e saj.

Në një foto të mahnitshme, nëna e re është e përkulur pas mbarimit të suksesshëm të lindjes  “Unë të pashë ty, Mama. Pashë dhimbjen në sytë e tu, në fytyrën tënde dhe në trupin tënd, “thotë Alex Michele.

Fotoja është kapur për të treguar se tremujori i katërt është tremujori më i nënvlerësuar nga të gjithë. Pasi foshnja të lindë, të bërit prind nuk është i vetmi ndryshim i madh i jetës që një grua përjeton. Periudha e paslindjes është e mbushur me të gjitha llojet e surprizave të papritura, dhe nuk është e lehtë të ndihesh e vetme dhe si e huaj në lëkurën tënde.

“Ne tentojmë të harrojmë nënën, kur foshnjat vijnë në jetë. Ne pyesim se si është foshnja, për çfarë ka nevojë foshnja, a mund ta mbajmë foshnjën, a mund ta blejmë këtë për foshnjën, por çfarë themi për nënën. Le të mos harrojmë vështirësitë që ajo duroi për ta mbartur këtë fëmijë dhe për rrugën e vështirë përpara saj për t’u shëruar, për ta ushqyer, për të pushuar dhe për të lindur fëmijët e saj të tjerë”.

Nëse vërtet doni të ndihmoni një nënë të re, ofroni të kaloni një pasdite për të mbajtur fëmijën në mënyrë që të mund të flejë.

Lexo edhe: Cili eshte tremujori i katert per femijen?