Strabizmi është një patologji e syve të fëmijës e cila mund të diagnostikohet që në fillim të jetës së tij. Kjo shfaqet më tepër tek fëmijët e vegjël, sytë e të cilëve shikojnë në të njëjtin drejtim, por ndërsa njëri sy shikon në drejtim frontal, tjetri ka tendencën të shikojë një prej dy cepave të syrit, zakonisht në atë të brendshëm, dhe në disa raste poshtë.

Çfarë e shkakton strabizmin?

Në disa raste ai mund të jetë i lindur. Shpesh shkaktar mund të bëhet edhe lindja parakohe, duke bërë që problemi të shfaqet gjatë muajve të parë të jetës. Pra shkaktarët janë të ndryshëm për subjekte të ndryshme, e megjithatë na duhet të theksojmë se shkaktari kryesor është faktori i trashëguar.

Cilat janë simptomat?

Fëmija mund të ndiejë dhimbje në qafë ose kokë, por ndër simptomat më të shpeshta janë ato që lidhen me shikimin, pra rediktim të shikimit, shikimi i dyfishtë, dhe lodhje e shpeshtë okulare.

Si ta korrigjojmë strabizmin?

Ai mund të korrigjohet në varësi të problemit që shkakton, si për shembull hipermetropia etj. Fëmijës duhet t’i vendosen edhe syze për të korrigjuar problemin qe mund të ketë. Nëse fëmija  nënshtrohet një ndërhyrhje duhet të mbajë për një kohë të caktuar fasho. Ndërhyrja nuk është gjithmonë e nevojshme, por duhet të themi se ndikon pozitivisht në korrigjimin e pamjes së syve. Megjithatë edhe pas ndërhyrjes strabizmi mund të ripërsëritet.