Prindërit jo gjithmonë e intepretojnë saktë dhe i kushtojnë rëndësinë e duhur rezultatit të Indeksit të Masës Trupore (BMI) të fëmijëve. Ndërkohë që numri i fëmijëve të prekur nga obeziteti rritet me ritme të shpejta, prindërit e kanë shumë të vështirë ta kuptojnë këtë, duke mos e trajtuar siç duhet matjen e fëmijve.
Duke qenë se BMI është një mënyrë e drejtpërdrejtë për të treguar nëse fëmijët kanë probleme me peshën apo jo, 25 vende në Shtetet e Bashkaura të Amerikës kërkojnë që shkollat të kryejnë rregullisht këto matje dhe të informojnë prindërit mbi rezultatet në mënyrë periodike.
Në këtë mënyrë, duke mbajtur nën kontroll peshën dhe ecurinë e saj, është më e lehtë të identifikohen prolemet e ushqyerjes, apo proceseve të tjera jetësore, si aktiviteti sportiv, qëndrimi ulur, pijet etj. Kështu prindërit do ta kenë më të lehtë të ndryshojnë praktikat e gabuara, për të ndikuar pozitivisht në shëndetin e fëmijëve të tyre.
Por, fatkeqësisht në vende aq të zhvilluara si Shtetet e Bashkuara prindërit janë shumë të ngadaltë në pranimin e këtij problemi dhe pastaj në masat që duhen marrë për ta përmirësuar.
Autorët e idesë së kryerjes së BMI në shkolla bëjnë apel që Mjekët, infermierët dhe mësuesit duhet të jenë në gatishmëri për të infromuar prindërit mbi problemet e obzeitetit të fëmijëve, që të parandalohet avancimi i këtij problemi.
Lexo edhe: Mungesa e gjumit shkakton diabet tek femijet
Për të lënë një koment ju duhet të jeni regjistruar Identifikohu