Ushqyerja me gji përsëritet disa herë gjatë ditës dhe natës, prandaj është e nevojshme që nëna dhe foshnja të ndihen rehat gjatë këtij proçesi.
Për këtë, foshnja duhet ta kapë mirë gjirin dhe të pozicionohet në mënyrën e duhur:
• Koka dhe trupi i foshnjës duhet të jenë në një bosht;
• Fytyra e foshnjës vendoset përballë gjirit, hunda përballë thithit;
• Trupi i foshnjës duhet i puthitur me trupin e nënës;
• Mbështesni edhe të ndenjurat e fëmijës dhe jo vetëm kokën dhe shpatullat;
• Mbështesni gjirin me dorë dhe ofrojani atë foshnjës.

Nëna:

• 4 gishtat e nënës vendosen nën gji;
• Gishti i madh vendoset nga sipër gjirit;
• Gishti i madh formon një mbështetëse për bazën e gjirit;
• Gishtat e nënës nuk duhet të jenë shumë afër thithit.

Hapat për një kapje të mirë:

• Prekni buzën e foshnjës me thithin;
• Prisni derisa goja e fëmijës të hapet mirë;
• Sigurohuni që foshnja të ketë kapur jo vetëm thithin por edhe pjesën më të madhe të zonës kafe të gjirit;
• E çoni fëmijën tek gjiri dhe jo anasjelltas;
• Sigurohuni që buza e poshtme e foshnjës të jetë poshtë thithit dhe mjekra e foshnjës të prekë gjirin e nënës.

Rezultatet e një kapje jo të mirë:

• Thitha të dhimbshëm dhe të dëmtuar;
• Fryrje/tejmbushje të gjirit;
• Foshnja është e pakënaqur dhe qan shumë;
• Foshnja ushqehet shpesh dhe për një kohë të gjatë;
• Pakësohet prodhimi i qumështit;
• Foshnja nuk shton peshë.

Lexoni edhe: Pozionet me te mira per ushqyerjen me gji