Çfarë janë ragadet e gjirit?

Ragadet janë çarje që mund të shfaqen në zonën e thithit të gjirit si edhe në areolë duke e bërë proçesin e gjidhënies shumë të dhimbshëm dhe aspak të lehtë.

Cilat janë simptomat?

Dhimbja gjatë pirjes së fëmijës është shenja e parë e këtij problem. Kjo dhimbje është shumë e madhe duke u shoqëruar edhe me djegie, të shkaktuara nga citocina e cila stimulon nervate areolës dhe thithave. Një tjetër simptomë që shoqëron këtë problem është edhe gjakosja  gjatë thithjes, e cila nuk është e dëmshme për fëmijën. Ragadet duhet të kurohen pasi mund të shkaktojnë infeksion, gjë e cila bën të mundur shfaqjen e mastitit.

Cilat janë shkaqet?

Shkaqet mund të jenë: higjena jo e mirë e gjirit; kapja jo e mirë e fëmijës; lëkura e nënës; gjendja e thithit të çarë; përdorimi i reçipetave shumë të shtërnguara; thithja jo e mirë e fëmijës.

Si t’i trajtojmë çarjet e gjirit në mënyrë natyrale?

Mund të përdorni: vajin e bajames së ëmbël; vaji i embrionit të grurit; xhel me aloe vera; gjalpë kariteje; krem me kalendula; argjilin jeshil; bio oil (vaj i nxjerrë nga përbërja e bimëve: kamomil, kalendula, rozmarina dhe jargavani).

Çfarë është e rëndësishme të bëhet nëse shfaqen ragadet?

Është shumë e rëndësishme që gruaja të bëjë: të lajë duart para gjidhënies; të vendosë qumësht nga gjiri i saj tek thithat ose një krem me përmbajtje lanoline; të ketë kujdes me mënyrën e vendosjes në gji; t’i japë në fillim fëmijës gjirin që është më pak i dhimbshëm; të përdorë koka silikoni ose argjendi; të ajrosë sa më shpesh gjinjtë.