Kur je nënë daljet darkave nuk janë diçka e shpeshtë, madje mund te konsiderohen pothuajse të pamundura. Për këtë arsye, Kate Aulette ishte shumë e entuziazmuar që do të shkonte në koncertin e këngëtares Ariana Grande me bashkëshortin dhe miqtë e saj. Kështu ajo filloi përgatitjet për një natë që mendonte se do të ishte ndryshe nga gjithë të tjerat.

Duke qenë nënë e një fëmije 7 muajsh, ajo u mundua të merrte të gjitha masat paraprake që nata e kaluar larg foshnjës të shkonte sa më mirë të ishte e mundur. Pasi siguroi se gjyshërit do t’i mbanin vogëlushen, ajo gjithashtu telefonoi stafin e koncertit për t’i pyetur nese mund të merrte me veten pompën për shtrydhjen e gjirit. Si një nënë gjidhënëse, 8 orë të kaluara larg fëmijës e bënin të domosdoshme nevojën për pompën. Në telefon, nënës se re i thanë se përderisa ajo ishte një pajisje mjekësore e çertifikuar, marrja e saj në koncert nuk përbënte asnjë problem.

Por gjërat nuk shkuan siç pritej kur ata shkuan në koncert. Rojet e sigurisë nuk e le Juan të hynte brenda me pompë. Për fat të keq, gjithçka ndodhi kur miqtë dhe bashkëshorti i saj kishin hyrë tashmë brenda, kishin skanuar biletat dhe askush nuk mund të dilte për të ndihmuar nënën e re.

Ajo u përball e vetme me diskriminimin e punonjësve të sigurisë, të cilët i thanë se një pajisje e tillë do të lejohej vetëm nëse foshnja do të ishte me të.

Një gjë e tillë, e përdorur si argument, në të vërtetë është në kontradiktë të fortë, pasi është e pamundur që një foshnje të frekuentojë ambiente të tilla.

Nënës iu desh të kthehej në shtëpi me autobus dhe ajo tregon se sa shumë e ka prekur gjithë kjo situatë në të cilën u gjend krejt papritur.

“E vetmja gjë që kam kërkuar është që ata të kenë komunikim më të mirë dhe të edukohen për gjidhënien dhe shtrydhjen e gjirit me pompë”, -thotë ajo.

Lexo edhe: Qumeshti i shtrydhur me pompe me pak i shendetshem sesa ushqyerja direkt nga gjiri?