Me polidramnios do të kuptojmë sasinë e madhe të lëngut amniotik në shtatëzani, e cila mund të paralajmërojë një keqformim të fetusit ose patologji të nënës.

Sasia e madhe e lëngut amniotik

Lëngu amniotik ka një rëndësi shumë të madhe për mirëqënien dhe shëndetin e bebes, i cili e mbron dhe favorizon zhvillimin e tij duke fillkuar që nga momentet e para të shtatëzanisë dhe deri në lindje.

Nga se përbëhet lëngu amniotik?

Ky lëng përbëhet nga disa element dhe kryesisht nga kripërat minerale, proteinat, qelizat fetale etj. Ai nuk përmban substanca ushqyese por enzima shumë të rëndësishme për zhvillimin e fetusit.

Cilat janë simptomat?

Simptomat kryesore të këtij problemi janë: uterus shumë i fryrë, shqetësime abdominale, probleme me tretjen, fryrje të këmbëve, probleme me frymëmarrjen, hemoroide, rritje shumë e madhe në peshë.

Cilat janë shkaqet?

Polidramnios është një çekuilibrim midis sasië së prodhuar të lëngut amniotik dhe atij të riabsorbuar. Një nga shkaqet më kryesore është diabeti gestacional, toksoplazmoza, probleme me riabsorbimin që lidhen me një anomali tek fetusi në procesin e trejtjes ose murit abdominal, sistemit qëndror, një kardiopati fetale ose anomali kromozomike.

Cilat janë rreziqet?

Midis rreziqeve mund të përmendim lindjen e parakohshme, kjo pasi sasia e madhe e lëngut amniotik mund të shkaktojë presion dhe të çojë në çarjen e membranave, gjë e cila do të sjellë shfaqjen e kontraksioneve.

Si duhet të veprojmë?

Para së gjithash bëhet diagnostikimi i shkakut të rritjes së nivelit të lëngut amniotik. Më pas kryhet një ekografi morfologjike, amiocenteza, analiza specifike për të vërtetuar nëse fetusi ka ndonjë anomali apo ndonjë infeksion.  Proçedohet në varësi të problemit që diagnostikohet.

Artikuj te ngjashem:

https://www.pernenat.al/lengu-amniotik/