Ju ka ndodhur ndonjëherë që dikush i panjohur apo një person i largët i fisit shfaqet i kënaqur pasi ka nuhatur aromën e fëmijës tuaj të porsalindur? E keni pyetur ndonjëherë veten se çfarë i lidh ata me aromën e fëmijës tuaj? Aroma e tij është lidhja kryesore midis nënës dhe fëmijës. Është pikërisht aroma e qumështit të gjirit që e tërheq fëmijën të pijë, është aroma e të porsalindurit që rrit aftësinë e nënës për të qënë më e lumtur. Por çfarë e lidh një person të panjohur me aromën e tij?

Nëna e njeh menjëherë aromën e fëmijës

Sipas disa studimeve të bëra në në vitin 1998, 12 nga 15 nëna si edhe 11 nga 12  baballarë ishin në gjendje të dallonin nëpërmjet aromës lëngun amniotik të bebes së tyre. Nga ana tjetër bebi do të qetësohet menjëherë sapo të nuhasë aromën e nënës së tij. Duket se aroma e fëmijës nuk lumturon vetëm prindërit.

Si është e mundur që aroma e bebes të bën të lumtur?

Kjo arrihet falë çlirimit të dopaminës, e cila është një neurotransmetues i ndjesisë së mirëqënies dhe lumturisë. Nëpërmjet saj truri furnizohet me emocione pozitive dhe ndjenja lumturie. Edhe pse vlerësimi i aromave është diçka tepër individuale, kur vjen puna tek bebet nuk është kështu.

Atëherë, çfarë i bën të lumtur të panjohurit?

Sipas Rachel Herz, shkencëtar në Universitetin Broën, vlerësimi  aromave është diçka tepër subjektive, dhe këtë e shkroi edhe në botimin Scent of Desire në vitin 2008. Herz theksoi se aromat zakonisht na sjellin ndërmend një eksperiencë, na lidhin me kujtime të cilat na shkaktojnë emocione. Por çfarë e lidh një të panjohur me aromën e bebes tuaj? Një kujtim? Një emocion? Është e vështirë të shpjegohet. Por, për sa kohë ajo aromë shkakton lumturi tek ata le ta nuhasin. Mbani mend se aroma e tij karakteristike shkaktohet nga shtresa që vesh lëkurën e bebes (vernix caseosa) e cila pas njëfarë kohe nga lindja largohet.

Lexoni edhe: Perse bebet kane nje arome aq te mire?