Në kohën e sotme kur të dy prindërit janë në punë, gjithnjë e më shumë foshnjat dhe fëmijët e vegjël po kalojnë kohë në vende ku kujdesen të tjerë për to, dhe një prej tyre është kopshti/çerdhja.

Përparësitë e çerdhes për fëmijën

• Fëmija mësohet që i vogël në kontakt me të tjerët, duke u bërë i hapur dhe i shoqërueshëm;
• Në krahasim me dadon, apo një kujdestare të vetme, personeli i çerdhes ka më shumë eksperiencë në rritjen dhe kujdesin për të vegjëlit;
• Mësohet me rregullat e shoqërisë, mësohet me orare fikse (nëse tashmë nuk i ka), mëson gjëra të reja në përpjuthje me moshën që ai ka.

Kur çerdhja mund të mos jetë zgjedhja më e mirë?

• Kur shëndeti i fëmijës është jo shumë i mirë dhe kontakti me fëmijë të tjerë mund ta bëjë të ketë shpesh rrufë, kollë, grip etj;
• Kur vuan nga sëmundje të veçanta alergjike, që kanë nevojë për ushqime apo kushte higjienike të veçanta;
• Nëse fëmija ende nuk arrin të mësohet me ndryshimin dhe mbas disa muajve ende qan, ulëret sapo e lini në çerdhe, duke mos pranuar të flejë, të hajë etj. Si të bëhet përshtatja e fëmijës në çerdhe;

Si ta përshtatim fëmijën në çerdhe?

• Mund të vendosni të filloni me lënien e fëmijës me orar të plotë, apo vetëm gjysmë dite, sipas nevojave tuaja dhe të fëmijës tuaj;
• Gjithnjë lini një periudhë kohe për përshtatjen, aq sa ka nevojë fëmija, gjatë së cilës ju mund të kuptoni nevojat e tij;
• Gjatë kohës së përshtatjes, përpiquni ta mësoni fëmijën me mungesën tuaj në mënyrë shumë graduale, pa bërë përpjekje të kota që të ikni fshehurazi kur fëmija nuk e ka mendjen, apo po fle;
• Njoftoni personelin e çerdhes për zakonet e të ushqyerit, shëndetin e fëmijës etj.