Sa herë në ditë mund të ndiej lëvizjet e fëmijës gjatë shtatëzanisë?

Nuk mund të themi se ka një numër të caktuar lëvizjesh. Ato mund të jenë të ndryshme për gra të ndryshme, e madje edhe për të njëjtën grua në shtatëzani të ndryshme. Në momentin që e ndieni se levizjet nuk janë me të njëjtën frekuencë që ndodh zakonisht duhet të shkoni tek mjeku.

Kur do të filloj të ndiej lëvizjet e bebes?

Kjo mund të ndodhë rreth javës 18-20, por edhe më parë. Gjithçka varet nga gruaja. Nëse kjo nuk ndodh deri në javën e 24-t duhet t’ja komunikoni mjekut.

Pse është e rëndësishme të monitorojmë lëvizjet e fëmijës?

Të mbani nën kontroll lëvizjet e fëmijës është diçka e rëndësishme sepse mund t’ju ndihmojë ju edhe mjekun tuaj të jeni në dijeni të shëndetit të fëmijës. Një reduktim i lëvizjeve mund të jetë shenjë se fëmija ka një problem brenda barkut, dhe në disa raste mund të jetë shenja e parë që do të tregojë se fëmija duhet të vijë menjëherë në jetë. Monitorimi i lëvizjeve duhet të fillojë nga java e 28-të, ose më parë nëse mjeku jua këshillon këtë gjë. Gjithashtu edhe një rritje e papriturme frekuencë të madhe e lëvizjeve duhet t’ju bëjë të shkoni tek mjeku.

Si të monitorojmë lëvizjet e fetusit?

Në përgjithësi çdo grua shtatëzanë e ka një ide se si levizjet e fëmijës janë gjatë ditës. Ju duhet të kuptoni se në cilat momente të ditës fëmija është më aktiv. Në përgjithësi fëmija ka tendencën të lëvizë më shumë në momentin që nëna qëndron ulur ose shtrirë, pra që nuk është në lëvizje.

Lexoni edhe: Si spostohen organet e brendshme gjate shtatzanise?