Buzëqeshja tek bebet nuk është domosdoshmërisht një akt emocional. Sipas një studimi të ri nga “Universiteti i San Diegos” buzëqeshja tek bebet është një akt social ndërveprimi. Sipas tyre bebet buzëqeshin për të marë si shkëmbim një buzëqeshje nga njeriu që kanë përballë.
Për të provuar këtë hipotezë, një grup shkencëtarësh të robotikës nga universiteti në fjalë programuan robotin e tyre të sillej njësoj si bebet të cilët ata studiuan. Më pas roboti do të ndërvepronte me studentët e universitetit. Sipas tyre roboti u përpoq të merrte sa më shumë buzëqeshje duke përdorur buzëqeshjen e tij.
Nëse jeni duke ndërvepruar me një bebe me siguri do të dyshoni se pas buzëqeshjes së tyre fshihet diçka, tha Javier Movellan, autori kryesor i këtij studimi. Por ta provosh këtë gjë është një punë e vështirë.
Për të zbuluar këtë gjë ekipi vëzhgoi 13 çifte nëna e fëmijë dhe reagimin e fytyrave të tyre në mënyrë që të kuptonin se përse buzëqeshnin bebet. Të dhënat e vëzhgimit treguan se 11 nga 13 bebet tregonin shenja të një buzëqeshje të qëllimshme.
Kështu me këto të dhëna shkencëtarët programuan robotin e tyre që ishte përdorur dhe më parë për eksperimente të ngjashme lidhur me sindromën down. Në këtë rast roboti do të luante rolin e bebit ndërsa studentët rolin e nënës në një ndërveprim prej 3 minutash. Gjatë eksperimentit u vu re se buzëqeshja e robotit shkaktonte një buzëshje tek studentët, madje buzëqeshja zgjaste më shumë tek studentët se sa te roboti.
Çfarë e bën unik këtë studim është teoria se jo vetëm nënat kanë një qëllim për veprimet që bëjnë në ndërveprim me bebet por edhe bebushat kanë qëllimet e tyre, që fshihen pas veprimeve të caktuara e madje në një moshë kaq të vogël.
Lexoni dhe: Perse te porsalindurit qeshin ne gjume?
')}
Për të lënë një koment ju duhet të jeni regjistruar Identifikohu