Llogaritja e kohës është gjithçka. Dhe kur është fjala për ardhjen në jetë të foshnjave, gratë në SHBA po mendojnë shumë mirë për këto llogaritje. Sipas hulumtimeve të reja lindjet më të shpeshta po ndodhin në pranverë.
Përllogaritja e periudhës së lindjes
Mundësia e lindjes së një fëmije gjatë pranverës lidhet ndjeshëm me moshën, arsimin, statusin e nënës dhe nëse janë apo jo duhanpirëse. Pas analizimit të grave, studimi gjithashtu zbuloi nëse ishte e mundur, që gratë e martuara midis moshës 20 dhe 45 vjeç të ishin të gatshme të paguanin 877 dollarë dollarë për të garantuar një lindje në pranverë.
“Puna jonë ka zbuluar se me të vërtetë ka një dëshirë për të lindur në pranverë në SHBA”, thotë Sonia Oreffice, profesoreshë e ekonomisë. “Kjo shpesh ka të bëjë me shëndetin e nënës dhe fëmijës, sepse pranvera dhe vera janë më të largëta nga kulmi i rasteve të gripit dhe mikrobeve të tjera”.
Studiuesit përdorën të dhëna nga certifikatat e lindjeve të SHBA, të dhënat e regjistrimit dhe një sërë anketash me nënat.
Lindjet në pranverë
Gratë në profesione të caktuara, si mësueset dhe punonjëset e bibliotekës, kishin më shumë gjasa të synonin një fëmijë në pranverë. “Ne besojmë që kjo ndodh për shkak se gratë po përpiqen të lidhin pushimet e tyre të verës me lejen e tyre të lindjes së shkurtër të SHBA në mënyrë që të kalojnë më shumë kohë me foshnjën e tyre”, shpjegon Oreffice.
Gratë që nuk ishin të martuara dhe nuk kishin atësinë e fëmijës së tyre nuk treguan ndonjë nga modelet e mësipërme. E njëjta gjë vlen edhe për gratë që përdorin trajtime të fertilitetit, siç është IVF.
Për të lënë një koment ju duhet të jeni regjistruar Identifikohu