Për të mësuar nëse fëmija juaj do të sëmuret në të ardhmen dhe ndoshta cilat sëmundje ka më shumë rrezik ta prekin, nuk ka shumë nevojë të drejtoheni tek ekspertët. Disa studime tregojnë se mjafton të merrni parasysh periudhën kur nëna ka ngelur shtatzanë dhe kur fëmija ka lindur, për të kuptuar nga çfarë sëmundjeështë më shumë i predizpozuar për tu prekur.

Hulumtimi që ndërlidhte sezonin e lindjes me rrezikun e gjetjes së sëmundjeve të caktuara u krye nga një ekip hulumtuesish amerikanë nga Universiteti Columbia në Nju Jork dhe u botua në revistën shkencore “American Medical Informatics Association”. Në fakt, autorët tashmë kishin kryer një sondazh të ngjashëm në vitin 2015, duke marrë parasysh të dhënat kryesore shëndetësore të 1.7 milion njerëzve në Nju Jork. Ata gjetën se kishte një lidhje mes muajit të lindjes dhe rrezikut të disa shqetësimeve afatgjata.

Për shembull, analiza tregoi se fëmijët e lindur në korrik dhe tetor ishin më të prirur ndaj astmës sesa të tjerët. Megjithatë, ky studim nuk theksoi faktorët tek të cilët nënat shtatzëna ishin ekspozuar gjatë shtatzanisë dhe që mund të kishin ndikuar në rrezikun e sëmundjes së fëmijëve të tyre.

Së pari studiuesit vunë re se foshnjat e lindura nga nënat, të cilat gjatë tremujorit të tretë e shtatzënisë ishin ekspozuar ndaj niveleve të ulëta të dritës, kishin rrezik më të lartë të zhvillimit të diabetit më vonë gjatë jetës.

Përveç kësaj, ata panë se në qoftë se nënat në tre muajt e parë të shtatzënisë kishin kontakt me nivele të larta të grimcave atmosferike, foshnjat e tyre kishin më shumë gjasa të pësonin fibrilacion atrial, që është forma më e zakonshme e aritmisë.

Së fundmi, rezultoi që fëmijët e lindur nga gratë që ishin ekspozuar ndaj dozave të larta të monoksidit të karbonit në tremujorin e parë kishin lindur fëmijë të prirur për zhvillimin e ankthit dhe depresionit.

Ata gjetën, për shembull, se rreziku i fibrilacionit ishte më i lartë për fëmijët e lindur nga gratë e Nju Jorkut të cilat kanë lindur gjatë dimrit, sepse muaji i parë i shtatzanisë përkonte me stinën e verës kur ndotja ishte më e lartë në atë qytet.

Lexo edhe: Ja si ndikon muaji i lindjes ne vazhdimesine e shendetit

Sorry, there are no polls available at the moment.

')}