Përdorimi i maskave po ndikon keq në estetikën e syve, do plakemi më shpejt

0 0

Me përdorimin e maskës, sytë, dhe për pasojë edhe vështrimi, janë pjesa e fytyrës që bie më shumë në sy. Një zonë delikate, më shumë se të tjerat. “Shikimi është i pari që ndjen kalimin e kohës, që ndikohet nga stilet e pasakta të jetës, që humb rininë dhe gjallërinë për shkak të ekspozimit të tepërt dhe të pambrojtur ndaj diellit, duke hequr freskinë dhe gjallërinë nga pamja” thotë Dr. Patrizia Gilardino, kirurg kozmetik në Milano.

Zonë shumë ekspresive

Qeskat, rrathët e errët, por edhe rrudhat e vogla që krijohen në anën e syve, ato që zakonisht quhen “këmbët e pulës”, janë një problem për shumë gra. “E natyrshme pasi ajo e syve është një zonë shumë ekspresive, gjithmonë dhe sidomos tani që mbajmë maskë: kështu ditë pas dite, lëkura shumë e hollë rreth konturit dëmtohet dhe tregon shenjat e plakjes pak kohë pasi arrini moshën 30 vjeçare”- vazhdon eksperti.

Mjetet shëruese?

Para së gjithash, aplikoni rregulla të jetesës së shëndetshme që përfshijnë një dietë të ekuilibruar, një regjim të rregullt të gjumit-zgjimit dhe mbrojtje të kujdesshme me syze të errëta dhe një krem ​​dielli specifik kur jeni në diell.

Botoks dhe lazer kundër “këmbëve të pulës”

“Për të luftuar këmbët e pulës dhe për të rivendosur shpejt freskinë në sy, ju mund të përdorni toksin botulinum, një substancë që injektohet dhe ju lejon të keni një lëkurë të tonifikuar” thotë Gilardino. “Në situata pak më të avancuara, është gjithashtu e mundur të përdorni lazerin fraksional, një trajtim që jo vetëm rikthen elasticitetin në lëkurë, por gjithashtu ju lejon të luftoni edhe rrudhat më të thella në sytë tuaj”.

Qeskat dhe rrathët e errët

Po sikur të ketë qeska dhe rrathë të errët? “Të dyja mund të kenë origjinë të ndryshme dhe prandaj kërkojnë ndërhyrje specifike” shpjegon Gilardino. “Kur qeset, për shembull, janë për shkak të një teprice të indit dhjamor që fryn lëkurën e qepallave të poshtme, vetëm bisturia është e dobishme, e cila me teknika absolutisht minimale invazive e heq atë pa lënë shenja”. Situata është e ndryshme për rrathët e errët. “Kur syri është “fundosur”, me lëkurën pak më të errët, gjë që e bën jo vetëm shikimin të lodhur, por edhe tërë fytyrën, është e mundur të ndërhyni me mbushës, duke zbutur kështu efektin e errët nën sy”.

Qepallat

Qepallat gjithashtu priren të humbin tonifikimin me kalimin e kohës, duke i bërë sytë të duken të rëndë. “Këtu nuk është më e nevojshme të ndërhyhet në mënyrë kirurgjikale, por mund të bëhet me teknika të mjekësisë estetike që përmirësojnë tonin e lëkurës në atë zonë.

Kujtesë për maskën

Maska, e cila do të mbetet e detyrueshme për një kohë të gjatë në dyqanet dhe qendrat tregtare, duhet të vendoset duke mbuluar jo vetëm gojën, por edhe hundën, përndryshe është shumë pak e dobishme.

Lexo edhe: 6 ushqimet që ju shkaktojnë fryrje të syve dhe 4 që mund t’ju qetësojnë




Për të lënë një koment ju duhet të jeni regjistruar Identifikohu



Materiale te ngjashme

10 trendet për sezonin vjeshtë-dimër...

Nëse keni menduar se cilat rroba duhet t'i shtoni garderopës suaj për këtë sezon, ky artikull do t'ju ndihmojë se cilat ajnë tendencat e periudhës vjeshtë-dimër 2020. Disa janë kombinime...

Tendencat për rrobabanje, verë 2020/...

Si të dukemi sa më bukur në plazh? Më poshtë po ju tregojmë tendencat e kësaj vere për rrobat e banjës.

Gjumi ju zbukuron, ja prova...

Gjumi ju zbukuron. Është thënë gjithmonë, por sot me të vërtetë duket se ekziston një themel shkencor. Disa biologë nga Universiteti i Mançesterit kanë arritur të demonstrojnë, me një studim...

Tendencat e modeleve të flokëve...

Kur hyjmë në një sezon ose vit të ri, një nga gjërat e para që na shkon në mendje, janë tendencat e momentit si në veshje, flokë, ngjyrë, stilim etj....

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X