Duket se lufta po merr gjithnjë e më shumë jetë fëmijësh, por kësaj rradhe fati ka qënë në anën e vogëlushit Omran, i cili ka mundur të dalë i gjallë nga rënojat e shkaktuara gjatë bombardimeve në Alepo. Pamjet tregojnë horrorin që i duhet të përjetojnë cdo ditë fëmijët si edhe të rriturit që po jetojnë nga afër luftën siriane. Fytyra e Omran, i cili nuk është më i madh se 5 vjec, është e veshur me gjak dhe pluhur. Në sytë e tij shprehet qartë mosdija e asaj cfarë po ndodh, gjendje e cila është tipike për një fëmijë të moshës së tij, e cila duhej të kalohej me lojëra dhe në qetësi. Ai është nxjerrë nga rënojat e luftës së tmerrshme dhe është marrë në krah nga forcat e shpëtimit. Një nga personat e këtyre forcave e merr në krahë fëmijën, e con deri tek ambulance dhe më pas e ul në karrike me shumë delikatesë. Omran është i mbuluar aq shumë nga pluhuri, san ë fytyrën e tij vihet re vec lodhje, dhe ashtu i hutuar mundohet të pastrojë gjakun që ndodhet në fytyrë me dorën e tij të vogël. Mjekët janë shprehur se fëmija ka marrë mjekimin e nevojshëm për plagët që ka patur në kokë. Gjatë këtij bombardimi kanë humbur jetën 8 persona, midis tyre 5 fëmijë.
A do të mjaftojë imazhi i vogëlushit fatkeq për të treguar cfarë ka ndodhur gjatë 5 viteve të luftës? Do të mjaftojë ky imazh t’i bëjë të kuptojnë të gjithë se me cfarë i duhet të përballen cdo ditë fëmijëve sirianë? Le të shpresojmë që fati të jetë në anën tyre!
Për të lënë një koment ju duhet të jeni regjistruar Identifikohu