Studiues nga universiteti i Londrës vëzhguan më shumë se 4000 fëmijë të moshave 9 deri 10 vjece dhe zbuluan se djemtë dhe vajzat të cilët qëndronin më shumë se 3 orë në ditë përpara ekranit kishin masë më të madhë të yndyrnës në trup dhe kishin filluar të shfaqnin shenja të rezistencës ndaj insulinës. Rezistenca ndaj insulinës ndodh atehërë kur trupi ndalon së reaguari në mënyrën e duhur ndaj insulinës, hormonit përgjegjës për lëvizjen e sheqerit nga gjaku në qeliza. Gjë që mund të shkaktojë rritje të nivelit të sheqerit në gjak kjo është dhe arsyeja sepse rezistenca ndaj insulinës mund të shkaktoje diabet të tipit 2 .
Unë nuk jam e surprizuar nga rezultati i studimit thotë Sylvia White mjeke e specializuar në trajtimin e diabetit në Tenesi. Shumë fëmijë vijne nga shkolla dhe ulen direkt për të parë televizor apo të luajnë video lojera, apo përdorin aplikacionet e pafundme në celularët dhe kompjutrat e tyre. Ngaqë shumë fëmijë hanë duke parë televizor janë të pavëmendshëm ndaj ngopjes. Disa e quajne këtë ngrenie te pavetëdijshme, gjë që rezulton në marrjen e një sasie ushqimi më të madhe nga sa u nevojitet.
Më shumë se 5000 fëmijë në vit diagnostifikohen me diabet të tipit 2 i cili deri para pak kohësh quhej diabeti i të rriturve pasi gjendej vetëm në individet e rritur. Ai mund të shkaktojë pasoja serioze afatgjata, sidomos nëse nuk kurohet sic duhet ai mund të shkaktojë sëmundje të ndryshme të zemrës apo dëmtime të veshkave.
Për të ndihmuar në parandalimin e diabetit të tipit 2 ekspertët sugjerojnë konsumimin e vakteve familjarë me ushqime të përgatitura në shtëpi dhe larg ekraneve.
')}
Për të lënë një koment ju duhet të jeni regjistruar Identifikohu