Aldosteroni është një hormon i prodhuar nga gjendra e veshkave. Nivelet e tij ndikojnë në presionin e gjakut dhe, nëse ngrihen, mund të shkaktojnë hipertension. Studimet e reja kanë gjetur një korrelacion midis vlerave të aldosteronit dhe shkaqeve të mundshme të hipertensionit dhe diabetit të tipit 2, në veçanti në marrëdhëniet midis trupit dhe insulinës.
Insulina
Zbulimi është rezultat i një studimi nga Kolegji i Mjekësisë Shtetërore të Ohajos dhe Qendra Mjekësore Wexner në Columbus, botuar në Journal of the American Heart Association. Studiuesit amerikanë kanë gjetur se nivelet e larta të aldosteronit rrisin rezistencën e muskujve ndaj insulinës dhe pengojnë sekrecionet e pankreasit. Siç është nënvizuar nga Joshua J. Joseph, këto janë dy gjendje që rrisin rrezikun e zhvillimit të hipertensionit dhe diabetit të tipit 2.
Rreziku i dyfishuar
Një studim makroekonomik, përgjatë një dekade ka ekzaminuar mbi 1,500 njerëz që ishin bashkuar me projektin “Studimi multietnik i aterosklerozës”. Nga analiza e të dhënave u zbulua se ata që kishin nivel të lartë të aldosteronit, kishin më shumë se dyfishin e shanseve për të zhvilluar hipertensionin dhe diabetin e tipit 2 në krahasim me ata me nivele normale. Një ndryshim shumë i rëndësishëm, i cili nuk mund të jetë i rastësishëm.
Kush është më i rrezikuar?
Studiuesit zbuluan gjithashtu se ka dallime të theksuara në lidhje me përkatësinë etnike. Për të mësuar më shumë për shkaqet themelore të kësaj ndjeshmërie të ndryshme, do të nevojiten studime të mëtejshme. Hipotezat më të besueshme tani për tani bien mbi faktorët me origjinë gjenetike ose në një ndjeshmëri të ndryshme ndaj kripës në grupet e ndryshme etnike.
Një studim i mëtejshëm tani duhet të vlerësojë rolin e aldosteronit në metabolizmin e glukozës.
Lexo edhe: 15 menyra per te ulur tensionin e larte te gjakut
Për të lënë një koment ju duhet të jeni regjistruar Identifikohu