“Mendohuni dy herë përpara se t’i jepni kokoshka fëmijëve tuaj”.
Ky është mesazhi i një nëne amerikane, e cila për pak përjetoi tragjedinë më të madhe, atë të humbjes së fëmijës.
Disa ditë më parë, djali i saj i cili sapo kishte ngrënë kokoshka, kishte shfaqur një kollë që nuk e kishte më parë. Në të vërtetë, kolla nuk dukej si një shqetësim serioz, ndoshta një e ftohur e zakonshme. Ai dukej plotësisht mirë, deri të nesërmen kur kolla nuk ndaloi dhe shfaqi temepraturë të lartë.
Nëna i besoi instinktit të saj për të çuar të birin në spital, ku mori vesh të vërtetën e frikshme.
Duke ngrënë kokoshka, djali kishte thithur një prej tyre në rrugët e frymëmarrjes, gjë që e bllokoi gati për vdekje, nëse nuk do të kishte shkuar në spital.
“Trupi e njohu atë si një objekt të huaj dhe vendosi xhepa përreth saj. Të gjitha inflamacionet e bënin atë të zhvillonte pneumoni në mushkërinë e majtë “.
Pas dy operacioneve, mjekët ishin në gjendje të hiqnin të gjashtë copat nga mushkëritë e djalit, i cili tani po rikuperohet nga ajo që kaloi.
“Po të mos kisha besuar instinktin tim për ta sjellë në spital, rezultati nuk do të kishte qenë i mirë”, shkruan nëna në facebook. “Ne jemi kaq shumë mirënjohës që vogëlushi ynë u bë mirë. E gjithë kjo nga kokoshkat, të cilat i kemi ngrënë rregullisht në shtëpinë tonë “.
Sipas nënës së djalit, mjekët këshilluan që fëmijëve nën 5 vjeç nuk duhet t’u japim kokoshka sepse rrezikojnë të mbyten.
Lexo edhe: Kokoshka dhe patate te skuqura ne shtatzani?
Për të lënë një koment ju duhet të jeni regjistruar Identifikohu