Në një botë të përsosur, një nënë gjidhënëse me fëmijën e saj në publik, nëse do t’i duhej ta ushqente, duhet të zgjidhte mes një stoli ku të ulej e t’i jepte gji fëmijës ose mes dhomës dedikuar pikërisht këtij procesi.

Por kur aktorja Amerika Ferrara po vizitonte një muze me djalin e saj pak më shumë se një muajsh, nuk gjeti as njërën as tjetrën, kur erdhi koha për të ushqyer të voglin e saj.

“Mendova se do të kishte një dhomë të posaçme ku të ushqeja fëmijën në muze, por nuk e gjeta një të tillë.

Atëherë si mund ta ushqeja djalin tim 6-javësh?

Në atë moment pashë një kafene aty pranë dhe mendova se ishte e vetmja zgjidhje që të shkoja atje për t’i dhënë qumësht”.

Por, kur shkoi në kafenenë pranë muzeut, ajo mori shumë komente negative nga të pranishmit. Të gjithë po e paragjykonin për zgjedhjen e saj, ndërkohë që ajo nuk kishte asnjë mundësi tjetër për të ushqyer fëmijën e uritur.

Kjo është përvoja e Ferrarës, por zëdhënësi i muzeut është shprehur se aty gjendet një dhomë dedikuar nënave gjdhënëse, të cilën për fat të keq aktorja nuk e ka gjetur dot.

Megjithatë, çështja nuk është tek politikat e muzeut në fjalë, por tek mbështetja që duhet t’i jepet një nëne e cila ushqen fëmijën me qumësht gjiri. Situata kur një nënë diskrimonohet për një arsye kaq natyrore, duhet të ndryshojë. Një nënë ka të drejtë të plotësojë nevojat e fëmijës së saj kudo që ajo ndodhet, madje edhe në kafene apo muze. Dhe personat e pranishëm duhet të jenë më solidarë e mbështetës.

Nëse ata kanë të drejtën të ushqehen e të pijnë në një lokal, këtë të drejtë e ka edhe një foshnje.

Lexo edhe: “Nuk lejohet gjidhenia ne kete dhome” vendimi i nenes se re ne maternitet