Sipas një studimi të ri austriak, thënia popullore se një mollë në ditë e mban mjekun larg ishte e vërtetë dhe fuqia e mollëve është për shkak të miliona baktereve që ky frut përmban.

Më mirë të zgjidhni mollë organike

Sipas Gabriele Berg, një profesor në Universitetin e Teknologjisë në Graz dhe drejtues i hulumtimit, fuqia e mollës qëndron në bakteret e dobishme që kolonizojnë zorrët tona, duke kontribuar në mirëqenien e mikrobiotës së zorrëve, ose grupin e baktereve, kërpudhave dhe viruseve që vijnë nga ushqimi që hamë dhe që kolonizojnë përkohësisht zorrët. Megjithatë, për të marrë përfitime, është e rëndësishme që perimet dhe frutat të mos gatuhen sepse gatimi i vret këto mikrobe. Studimi analizoi mollët në të gjitha pjesët e tyre: bishtin, lëkurën, pulpën, farat. Doli se mollët organike kanë një koloni më të larmishme të këtyre baktereve që, sipas studiuesve, i bën ato më të shëndetshme dhe më të shijshme sesa kur gatuhen. 

Mikrobiota e zorrëve

Shumëllojshmëria në mikrobiotë duket se është çelësi për zorrë të shëndetshme dhe për këtë arsye efekti pozitiv i mollës varet nga 100 milion baktere të dobishme që kontribuojnë në mirëqenien e mikrobiotës. Sa më e larmishme të jetë dieta, aq më pak baktere të dëmshme ka. Dieta mesdhetare ndihmon shumë, por duhet pasur parasysh se mikrobiota jonë formohet në vitin e parë të jetës; më pas përbërja e saj ndryshon vetëm pjesërisht. Qëllimi është që të hartoni mikrobiotën siç ndodh sot me gjenomin, në mënyrë që të korrigjohen defektet më vonë.

A e dini se?

Përveç baktereve të dobishme për mikrobiotën, lëkura dhe pulpa e mollës përmbajnë polifenole që kanë një veprim antioksidues, anti-tumorial dhe anti-inflamator.

Lexo edhe: 5 perfitimet nga konsumimi i molleve jeshile ne shtatzani