Ngjyra dhe modele për brunet

Nëse mendoni se flokët në ngjyrë të errët nuk kanë shumë mundësi për të eksploruar me ngjyra dhe modele, e keni gabim.

Disa ide si mund të ndryshoni pamjen tuaj nëse keni flokë të errët:

Dritëhije të theksuara

Shtimi i ngjyrës bjonde vetëm në disa fije floku mund të ndryshojë tërësisht pamjen tuaj. Fijet duhet të vijnë në mënyrë të natyrshme nga njëra-tjetra, pa e bërë shumë të theksuar dallimin mes pjesës brune dhe bjonde të flokëve.

Ombre kafe

Kjo shkrirje e mbytur nuk është gjë tjetër veçse një hije unike mes kafes dhe bjondes, për të çelur pjesën e zezë të kurorës së flokëve.

Rozë e zbehtë

Nëse e dini që flokët tuaj tentojnë të marrin ngjyrë portokalli kur iu del boja, atëherë provoni këtë nuancë të lehtë të rozës, par t’u dhënë dritë dhe jetë.

E kuqe e ngrohtë

Nëse ideja e kthimit të flokëve nga të zeza në bjonde ju tmerron provoni një të kuqe, jo shumë të ndezur, por që afron deri diku me ngjyrën e patëllxhanit. Kjo ngjyrë u jep flokëve shumë shkëlqim.

Ombre gri

Nuk është e nevojshme të bëheni bjonde për të bërë një ndryshim në pamjen tuaj. Kjo ngjyrë do t’ju çelë ngjyrën e flokëve dhe mbi të gjitha i mban ato të shëndetshme.

Fundet me ngjyra

Nëse ju pëlqen pamja e flokëve të errëta, pothuajse të zeza, por dëshironi të keni pak ngjyrë në flokët tuaja, ngjyrosja e bishtave është zgjidhja ideale.

Ombre klasike

Ky model ju kursen stresin kur të rriten floket e t’ju dalë rrënja. Mund t’i mbani sa të dëshironi pa i lyer.

Ngjyrë çokollatë

Kjo është një mënyrë e mirë për të filluar çeljen e ngjyrës suaj të errët.

Ylber i fshehur

Mund të bëni fije disangjyrëshe në flokët tuaj në shtresën e brendshme të tyre. Kjo do të thotë që pjesa e dukshme të jetë në ngjyrën e natyrshme, dhe pjesa e lyer të evidentohet vetëm kur të doni ju përmes ndonjë modeli specifik të kapjes.