Këngët e Michelle Branch kanë qenë zile celularësh për shumë të rinj dhe dasma e saj ka ngjallur kureshtjen e të gjithëve. Disa ditë më parë Branch u martua me partnerin e saj Patrick Carney në një ceremoni të bukur që bënte bashkë familjen e tyre të përzier dhe ajo ishte një nuse e bukur, që ushqente fëmijën me gji ditën e dasmës.

Branch është tani një nënë e dy fëmijëve, ka një vajzë 13-vjeçare nga një martesë e mëparshme dhe djalin 7 muajsh me burrin e saj, Carney.

Pra djali i vogël ishte pjesë e ditës së dasmës së prindërve të tij dhe si çdo fëmijë i kësaj moshe ai pati uri gjatë ceremonsië dhe kishte nevojë të pinte qumësht.

“Një fëmijë duhet të pijë kur i pihet, pavarësisht nëse jeni në një dasëm apo jo”, – ka shkruar nëna në fotografinë ku ushqen djalin, ndërkohë që është e veshur nuse.

Portreti i bukur i Branch dëshmon se nënat nuk mund dhe nuk duhet të detyrohen të largohen nga ambienti ku ndodhen sa herë që foshnja ka nevojë për të pirë gji.

Dasmat janë një festë dashurie dhe nuk ka asgjë më të dashur se një nënë që ushqen fëmijën e saj.

Lexo edhe: Gjidhenia ne publik nuk ka lidhje me seksualitetin, mesazhi i modeles