Ushqyerja me gji është një temë që ende shkakton shumë debat dhe polemika e aq më tepër kur bëhet fjalë për ushqyerjen në publik. Ka shumë vende që e mbrojnë me ligj gjidhënien në ambiente publike, por megjithatë kjo nuk i shmang komentet negative të njerëzve keqdashës për nënat që bëjnë diçka të tillë.
Me një situatë të tillë është hasur edhe Jennifer Mancuso, një nënë që iu kërkua në kopshtin e fëmijëve të saj, ta ushqente të voglin në një ambient privat të mbyllur.
Nisur nga kjo situatë, ajo është nxitur të dalë në mbrojtje të një kauze që prek shumë nëna kudo në botë.
Kështu, Jennifer ka postuar foto në rrjetet sociale, ku duket duke ushqyer me gji në publik.
” Po, po i shpërndaj fotot e mia për vëmendje. Po, po e kam me të vërtetë, dua vëmendje. Dua të tërheq vëmendjen e nënave të tjera, që të lexojnë historitë e mia, të shohin fotot e mia dhe të gjejnë kurajë e frymëzim për veten e tyre. Nëse një postim ndihmon kaq shumë nëna në botë, ai postim ia vlen të bëhet”.
Por, pavarësisht gjithë qëllimit të saj pozitiv, dhe gjithë mbështetjes që ka pasur nga nënat në gjithë botën, sërish nuk kanë munguar komentet negative, ofenduese dhe turpëruese ndaj saj. Ajo thotë se këto komente vetëm sa e frymëzojnë më tepër, sepse i tregojnë se ka akoma punë për të bërë lidhur me këtë çështje.
Lexo edhe: Gjidhenia ne publik nuk ka lidhje me seksualitetin, mesazhi i modeles
Sorry, there are no polls available at the moment.
Për të lënë një koment ju duhet të jeni regjistruar Identifikohu