loading

Nëna, gjithmonë besojini instinktit

Nje nene e re, ka shkuar menjehere ne spital sepse kishte vene re se e bija nuk ishte mire. Mjeket e kishin trajtuar me shume qetesi rastin, duke menduar se nena ishte shume e fiksuar dhe vajza nuk kishte asgje. Si perfundim rezultoi se vajza kishte gjendje te rende refluksi dhe nena keshillon prinderit te ndjekin gjithmone instinktet kur behet fjale per shendetin e femijeve.




0 0

Ju keni dëgjuar rrëfime se si instinkti i nënës natyrisht fillon në momentin që vjen fëmija në jetë, por si një nënë e re, është e lehtë të dyshosh te vetja. Por nëse ka ndonjë gjë që mund të mësosh nga rrëfimi i Sarah Tams, është që gjithmonë t’i besoni instinktit. Gruaja kaloi shumë kohë dhe energji duke u shqetësuar për sjelljen e çuditshme të vajzës së saj. Mjekët e konsideruan si një situatë nervoze të një nëne të re. Për fat të keq, u desh një përvojë e tmerrshme për nënën që më në fund të dëgjohej.

“Rezultoi se kishte diçka të gabuar, dhe nuk ishin vetëm nervat e mia”, thotë ajo. Tani, Tams po e ndan historinë e saj dhe u kërkon prindërve të ndjekin instinktet e tyre.

Kur nëna ishte në shtëpi me vajzën e saj, Hannah, ajo thotë se foshnja e saj papritur ndaloi frymëmarrjen dhe “u bë ngjyrë blu” para syve të saj. Fatmirësisht, ajo ishte në gjendje ta ringjallte para se ambulanca të mbërrinte, por ato momente do të mbeten si “më të frikshmet e jetës së saj”.

“Gjithmonë mendoja se kishte diçka te sjellja e Hanës. Ajo gjithnjë dukej se ishte në siklet, ishte jashtëzakonisht e vështirë për t’u qetësuar, dukej e çuditshme dhe e pakënaqur gjatë gjithë kohës”, shkruan gruaja në Instagram.Por kur e çova atë tek mjekët, mora një përgjigje të ngjashme: “Ti je vetëm nënë për herë të parë, qetësohu. ”

Pra, ashtu si çdo prind i ri, Tams vuri veten në dyshim. “U ndjeva sikur kisha dështuar. Sikur nuk po veproja siç duhej, sikur nuk isha nënë e mirë”.

Siç rezulton, Hannah ka një “rast ekstrem të refluksit” që i shkakton asaj vazhdimisht dhimbje. Për shkak se disa reflukse janë normale, është e vështirë për mjekët t’i diagnostikojnë. Meqenëse ezofagu i Hanës nuk u zhvillua plotësisht, refluksi u bë aq keq, saqë e bëri atë të ndalonte frymëmarrjen. Konfirmimi i këtij lajmi ishte një pikë kthese e madhe për nënën e re.

“Unë nuk isha çmendur,” thotë ajo. “Vajza ime do të merrte trajtim, do të ndjehej më mirë dhe nuk ishte faji im apo nervat e mia”.

Fatmirësisht, vajza e vogël tani do të marrë kujdesin që ajo ka nevojë dhe do të shërohet. Sa i përket nënës, ajo po merr mësimin e parë të mëmësisë: T’i besojë instinktit. “Ju nuk mund të dini gjithçka, por ju e njihni fëmijën tuaj më mirë.”

Për të lënë një koment ju duhet të jeni regjistruar Identifikohu



Materiale te ngjashme

“Po sikur ta kishe djalin...

Kur Amy Schumer doli në skenë dhe u tregua jashtëzakonisht e sinqertë në lidhje me diagnozën e autizmit të burrit të saj, ne e duartrokitëm atë. Dhe këtë javë, kur...

Dermatiti atopik përkeqësohet në verë,...

Për ata që vuajnë nga dermatiti atopik, nxehtësia, djersa dhe uji i detit përkeqësojnë simptomat duke shkaktuar kruajtje. Lëkura e thatë Dermatiti atopik manifestohet nga skuqje dhe kruajtje në lëkurën...

Dilema: T’i ndajnë binjaket dhe...

Operacioni i ndarjes do të shpëtonte jetën e një prej vajzave tre-vjeçare, por do të çonte në vdekjen e tjetrës. "Ndeye është e gjallë, i pëlqen vëmendja, ndërsa Marieme ka...

Fëmijët që lindin nga këto...

Hulumtuesit, të cilët analizuan më shumë se 2 milionë lindje dhe 3,000 raste të kancerit në Pensilvani, besojnë se ndërprerjet në nivelet e insulinës në pikat kyçe të zhvillimit të...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X