Sipas konsulentes të fëmijëve Elisabetta Leslie Papacella dëgjimi i përrallave sjell shumë përfitime për fëmijën por edhe për prindin që e tregon. Të rriturit kanë kështu mundësinë të rikthehen edhe njëherë në botën e fëmijërisë duke i dhënë mundësinë fëmijës të zhvillojë aftësinë e mposhtjes së frikës dhe aftësinë e zgjidhjes së problemeve.

Si i ndihmojnë përrallat fëmijët

Ata do të mësojnë të kontrollojnë më mirë emocionet e tyre, dhe shpesh do ta bëjnë këtë duke u bazuar edhe tek personazhet e përrallave, duke imituar ata. Kur një fëmijë dëgjon një përrallë hyn plotësisht në botën e përrallave, vajza është “princesha” dhe djali është “princi”. Të mësuarit e menaxhimit të emocioneve do të jetë aftësia më e madhe që mund të përfitojë fëmija nga përrallat. Gjithashtu personazhet e kafshëve do ta ndihmojnë fëmijën pasi ata e kanë më të thjeshtë të krijojnë një marrëdhënie të mirë me ta edhe nëpërmjet një libri. Pra duke ndjekur ngjarjet që ata bëjnë, fëmija mëson si të qetësohet dhe fokusohet tek diçka tjetër.

Fëmija mëson nga përrallat:

• Të kenë besim në vetvete, të dialogojnë më mirë, të përdorë më shumë alternativa për të zgjidhur problemet.
• Fëmija merr shumë stimuj gjatë kohës së leximit. Ai mëson të dëgjojë, përballet me personazhe të reja, shikon imazhe të reja, pra favorizohet zhvillimi njohës.

Në ditët e sotme është shumë e rëndësishme që fëmija të mësojë të kontrollojë xhelozinë, inatin, trishtimin, frikën etj. Ju duhet të lexoni sa më shumë bashkë me fëmijën.