Racizmi është një problem që sot po merr gjithnjë e më shumë hapësirë në shoqëri e komunitet dhe për fat të keq, së fundmi ka prekur edhe fëmijët si një epidemi ngjitëse.
E sigurt është që ata nuk kanë asnjë qëllim keqdashës apo paragjykim, por për fat të keq fëmijët riprodhojnë gjithçka që dëgjojnë nga të rriturit në familje dhe përreth.
Këtë e demonstron më së miri historia e një vajze 3-vjeçare, e cila është në kopsht ku vuan pasojat e racizmit.
I ati i saj ka postuar një video ku bisedon me të bijën dhe ajo thotë se në kopsht e quajnë “jashtëqitje”, për shkak të ngjyrës së errët të lëkurës. Vajza e vogël vazdon më tej duke thënë se nuk i do fëmijët e kopshtit pasi ata e quajnë të tillë dhe mundon veten duke pyetur përse lindi kaq e errët në lëkurë.
I ati duke u përpjekur ta qetësojë i pohon se ajo është e bukur gjithsesi dhe thekson se postimi i kësaj videoje nuk është një akuzë për fëmijët, pasi ata janë të vegjël, por një apel për prindërit të cilët duhet të tregohen më të kujdesshëm sepse sjelljet dhe fjalët e tyre, mund të kenë pasoja serioze tek një fëmijë i pafajshëm.
Lexo edhe: 8 aftesi te rendesishme per jeten qe duhet t’i mesoni femijeve
Për të lënë një koment ju duhet të jeni regjistruar Identifikohu