Për çiftet, vera është një sezon me rrezik të lartë. Në fakt, në gusht, numri i ndarjeve rritet. Sipas profesorit Sergio Scicchitano, një avokat i njohur për mbrojtjen e shumë njerëzve të famshëm, në këtë periudhë ka një bum vërtetë ndarjesh. Jo vetëm mes të rinjve, por edhe mes njerëzve të një moshe të caktuar.
Më shumë kohë për të menduar
Njohjet e reja, dëshira për flirte rritet në verë, e bashkë me to rritet edhe rreziku për ndarje mes çifteve. Por problemi i vërtetë përfaqësohet nga koha më e gjatë në dispozicion, gjë që çon në reflektime në jetën e dikujt. Ndërsa njerëzit pushojnë nën ombrellë, ata mendojnë dhe meditojnë shumë.
Ata në këtë mënyrë mund të kuptojnë disa gabime në marrëdhëniet në çift dhe madje arrijnë në përfundimin se dashuria ka mbaruar dhe se është rasti të fillohet një kapitull i ri. “Në realitet, kriza e çiftit fillon mirë para verës dhe është vetëm disponueshmëria më e madhe e kohës për t’i bërë njerëzit të reflektojnë dhe të nxisin shkëndijën e mosmarrëveshjes dhe dëshirën për t’u ndarë në gusht”, shpjegoi avokati Scicchitano.
Askush nuk shpëton
Fenomeni nuk prek vetëm çiftet më të reja. Nëse deri në disa vite më parë ndarjet e verës, por jo vetëm, kryesisht përfshinin njerëz mes moshës 30 dhe 40 vjeç, në periudhën e fundit ndarjet nuk “kursejnë” as ata që janë mbi 60.
Lexo edhe: Disa nga arsyet me te cuditshme per divorc
Për të lënë një koment ju duhet të jeni regjistruar Identifikohu