Disa kushte të veçanta të shtatëzanisë mund të kërkojnë domosdoshëmërinë e lindjes me operacion çezarian, dhe kjo mund të ndodhë nëse gruaja vuan nga diabeti, ka bërë një lindje të mëparshme çezariane dhe nevojitet një e dytë, gruaja pret të sjellë në jetë binjakë/trinjakë, fëmija është në pozicion podalik etj. Këtë mënyrë lindje e vendos stafi mjekësor dhe sigurisht që duhet të ndodhë në një kohë të përshtatshme.
Kur duhet të programohet lindja me operacion çezarian?
Periudha më e mirë për të programuar kryerjen e këtij operacioni është java 38-39, por mund të ndodhë edhe më vonë. Kjo varet në mënyrë shumë të rreptë nga kushtet klinike, dhe zakonisht data e operacionit fiksohet më parë, në një kohë mesatare prej 10 ditësh para.
Cfare ndodh gjate kesaj kohe?
Pikërisht këto 10 ditë do të shërbejnë për të bërë analizat e nevojshme të cilat mund të jenë: analiza e koagulimit të gjakut, ekografia e fëmijës, matja e tensionit etj. Kryerja e këtyre analizave është një domosdoshmëri për sigurinë e një ecurie të mirë të operacionit si edhe të rikuperimit më të shpejtë, kjo pasi në këtë mënyrë mund të shmanget shfaqja e problemeve post-partum. Gjithashtu, kryerja e këtyre analizave bën të mundur një shtrim të menjëhershëm të gruas, duke bërë të panevojshëm shtrimin e saj një ditë para. Ajo në këtë rast paraqitet në spital pikërisht ditën që do të kryhet operacioni.
Lexoni edhe: Kur amiocenteza eshte e detyrueshme?
Për të lënë një koment ju duhet të jeni regjistruar Identifikohu